Интересна тема во пресрет на Новата година: Зошто не е добро на децата да им се купуваат премногу подароци? Експертите предупредуваат дека таквата пракса на родителите може да им создаде проблеми на децата во подоцнежниот живот. Една нова студија од Универзитетот во Мисури и Универзитетот Илиноис од Чикаго покажува дека родителите кои ги користат материјалните добра како дел од својата родителска пракса може да им создадат потешкотии на децата во понатамошниот живот.
„Децата кои добиваат премногу материјални добра од нивните родители, најверојатно ќе продолжат да се наградуваат и кога ќе пораснат, а тоа може да стане проблем”, вели Марша Ричинс, кој ја предводеше студијата. „Нашето истражување објаснува колку е важно да се истражат околностите во детството и праксата на родителите за да се разбере потрошувачкото однесувањето на возрасните. Одредена родителска практика доведува до поголем материјализам. Кога родителите ги користат материјалните нешта на тој начин, поверојатно е дека децата ќе веруваат дека успехот во животот е дефиниран со материјални добра кои личноста ги има во своја сопственост или дека купувањето на одредени работи прави да изгледаат попривлечно.“
Според Ричинс, претходните истражувања покажаа дека возрасните кои себе или другите ги дефинираат според она што тие го поседуваат, имаат поголем ризик од појава на проблеми во бракот, поголема е веројатноста дека ќе бидат склони кон коцкање, ќе западнат во финансиски долгови…
„Грижливите“ родители имаат тенденција да ги наградуваат децата со материјални работи. Тоа е едно објаснување за врската помеѓу материјалната награда и подоцнежната диспозиција кон материјализмот во животот. Децата кои ги примаат овие подароци имаат тенденција да мислат дека работите што ги поседуваат ја дефинираат или подобруваат сликата за нив.
Однесувањето на родителите влијае врз развојот на подоцнежниот став на една возрасна личност кон материјалните добра
Научниците открија дека постои поврзаност помеѓу родителското одбивање и материјализмот. Децата кои чувствуваат дека родителите немаат време за нив, веројатно, ќе станат материјалисти.
Возрасните кои добивале материјални работи како награда или не ги добивале по казна кога биле деца, повеќе е веројатно да им се восхитуваат на луѓето кои имаат скапи работи. Во ред е да сакате да им купите нешто на своите деца, но имајте на ум дека треба да ги охрабрите да бидат благодарни за сите луѓе и работи што ги имаат во животот. Секој пат кога ќе покажат благодарност, стануваат свесни за тоа колку се среќни што придонесува да се изградат во повеликодушни луѓе, а помалку материјалисти.
