Нова надеж за жените кои не можат да имаат деца – научниците создадоа вештачки јајник.
Данските научници од „Rigshospitalet“ во Копенхаген во лабораторија создадоа вештачки јајник, кој може јајце-клетките да ги зачува живи во период од неколку недели.
Јајникот произведен во лабораторија се состои од сопственото ткиво на жената и јајце-клетки, а истражувачите веруваат дека овој пристап ќе им овозможи мајчинство на жените кои се соочуваат со хемотерапија.
Истражувачите во експериментите користеле донирано ткиво на јајник од кое со помош на хемикалии ги отстраниле сите клетки, освен колагенски потпорните структури.
Истражувачите веруваат дека овој пристап ќе им овозможи мајчинство на жените кои се соочуваат со хемотерапија
Во следната фаза оваа „решетка“ била дополнета со стотици фоликули со јајце-клетки во рана фаза на развој.
За целите на студијата, на глувците им биле вградени вештачки јајници со по 20 фоликули. Една четвртина од фоликулите во вакви услови преживеала најмалку три недели.
Научниците очекуваат дека за примената на овој метод кај луѓето ќе бидат потребни уште пет до десет години, пишува „Гардијан“.
