Во ПАНГО списокот се наведува дека 79 отсто од досега докажаните инфекции со овој сој се потврдени во Данска. По неа следат Велика Британија (6%), Индија (5%), Шведска (2%) и Сингапур (2%). Сепак треба да се напомене дека откривањето на овој сој на вирусот зависи од способностите на за секвенцирање на ПЦР тестовите во одредени земји.
КОЛКУ Е ОПАСЕН ОМИКРОН ВА.2?
Брзото ширење на овој подвид укажува на тоа дека тој ви можел да биде уште позразен отколку првата варијанта на сојот омикрон ВА.1. Британската здравствена институција UK Health Security Agency го вброи ВА.2 меѓу “соевите кои се набљудуваат“.
“Во природата на вирусите е да се размножуваат и притоа да мутираат. Затоа може да се очекува дека ќе има упте соеви додека трае пандемијата“, вели Мера Чанд, директорка во британската здравствена агенција.
Со оглед дека здравствените установи ја истражуваат генетската структура на вирусот, можно е да се идентификуваат нови соеви и да се процени колку се опасни новите мутации. Анализата на подвидот ВА.1 се уште е во тек.
“Се уште нема сигурни докази дека ВА.2 предизвикува потежок тек на болеста, отколку ВА.1“. вели Чанд.
СЕ ЗАКАНУВА ЛИ ОПАСНОСТ ОД РЕКОМБИНАЦИЈА НА ДЕЛТА И ОМИКРОН?
Германскиот виролог, Кристијан Дорстен од универзитетската клиника Charite во Берлин нагласува дека со спојување на делта со еден од подвидовите на омикрон, може да се развие уште поопасен вирус. Омикрон има одредени мутации на површинскиот протеин, со помош на кои полесно може да го заобиколи имуниот систем на телото.
Особено опасна би можела да биде рекомбинацијата на вирусот кој би носел spike (шилест) протеин на омикрон, а остатокот на геномот од коронавирус од делта сојот“, вели Дорстен.
Тоа би значело поврзување на најсилните карактеристики на двата соја. “Такво нешто постои, тоа е вече опишано, затоа мора да стравуваме дека такво нешто може да се случи“, додава тој.
Неодамна научник од Кипар информираше за нов вид на коронавирусот т.н. “делтакрон“, но можно е тука да се работело за грешка, велат научниците.
