Редовните прегледи и најновите третмани им помагаат на жените повеќе од кога било да преживеат рак на дојка. Но дури и кога нивната болест е востановена на време, повеќе од 200 илјади жени во Амерка, секоја година, се соочени со можна мастектомија или повеќе недели зрачење. Меѓутоа најновата студија навестува дека за некои од овие жени постои поедноставна – трета опција.
Онкологот Џулија Вајт нуди поинаква опција – место да ја зрачи целата дојка, таа тврди дека може да помогне насоченото зрачење на мали области, односно оние во кои е отстранет ракот. Планот на третманот трае само пет дена.
„Ако го погледнеме бројот на жени на кои ракот им се вратил после отстранувањето, во речиси сите случаи, 80 до 90 отсто, се враќа на истото место“, вели Вајт, која ја предводела студијата во болницата на Универзутетот во Охајо. Во рамки на студијата споредени се податоци за враќањето на ракот меѓу жените кои примиле потполно или делумно зрачење на дојката.
Востановено е дека кај жените во рана фаза од ракот на дојка, кои имале потполно зрачење, шансите за враќање на болеста биле помали од 5 отсто после 10 години. Пријавени се речиси исти резултати меѓу жените кои имале делумно зрачење.
„Скратениот петдневен третман е еднакво делотворен како и потполната радијација на дојка за четири до шест недели“, вели Вајт.
Иако делумното зрачење не е опција за секој пациент, им овозможува на повеќе жени послаба, но доволно квалитетна и делотворна опција кога решаваат дали делумното отстранување на ткивото на дојката е добро во нивниот случај.
„Тоа навистина овозможува повеќе жени да имаат пристап до квалитетно зрачење, така што ако сакаат да ги залуваат своите гради и можат да го сторат тоа“, појаснува Вајт.
Истражувачите се надеваат дека оваа студија ќе охрабри повеќе болници да понудат делумно зрачење на дојките во слични случаи.
