Научниците веруваат дека треба да се промени и долната и горната граница на адолесценцијата, односно пубертетот, и по нивни проценки би требало да трае од 10 до 24 година од животот.
Некогаш се сметаше дека човек пораснал кога ќе наполни 18-19 години, но денеска образованието трае подолго, а повеќето млади луѓе живеат подолго со своите родители и не влегуваат рано во брачна заедница.
Се смета дека пубертетот почнува кога хипоталамусот ќе почне да испушта хормони кои ја активираат хипофизата и половите жлезди
Порано луѓето во пубертет влегувале на возраст од 14 години, но денес во развиените земји, поради подобрување на општата здравствена состојба и исхраната, овој карактеристичен период започнува околу десеттата година.
Во Британија, девојчињата добиваат прва менструација четири години порано, отколку што било случај пред 150 години. Постојат и биолошки аргументи зошто треба да се продолжи времето на адолесценција, се наведува во научните списанија.
Човечкото тело продолжува да се развива и по пубертетот. Работата на мозокот се подобрува во текот на дваесеттите години, а на многу луѓе им излегуваат умници дури околу 25-та година.
Во Англија, според официјалните податоци, во 2013 година просечна возраст на стапување во прв брак била 32,5 години за мажите, а за жените 30,6 години. Тоа е речиси осум години повеќе отколку во 1973 година.
Политиката би требало да води сметка за промените во општеството и да ја продолжи поддршката за младите до 25 години, сметаат научниците.
