Вакцинирањето против КОВИД-19 може незначајно и привремено да го продолжи времето помеѓу две менструации, укажува нова студија објавена во Obstetrics & Gynecology.
Во просек, дополнителното време изнесува околу еден ден. Тоа е нешто што многу жени не би го ни забележале и не е причина за загриженост од здравствен аспект, истакнуваат стручњаците.
Но, овие резултати ги потврдуваат претходните извештаи на некои жени дека по вакцинирањето против КОВИД-19, менструалниот циклус тој месец им бил поинаков.
Според мислењето на стручњаците, не е изненадувачки да вакцинацијата може да влијае на менструацијата кај жените, бидејќи постои врска помеѓу имуниот систем и менструацијата.
Инаку, вакцините против КОВИД-19 предизвикуваат имунолошки одговор. Како дел од него, телото произведува цитокини – мали протеини кои го стимулираат имуниот систем да се бори против надворешни напаѓачи. Но, цитокините исто така може да влијаат на внатрешниот часовник кој одразува различни телесни процеси, па затоа не е необично да тој месец може да продолжи, односно помести времето на менструацијата.
