Може ли честата употреба на дезинфициенси за раце да ја оштети кожата? Германскиот експерт Јоханес Кноблох, шеф на одделот за хигиена во Универзитетскиот медицински центар во Хамбург вели дека не.
Тој тврди дека зголемената употреба на дезинфициенси за раце откако почнала пандемијата со коронавирусот е целосно безопасна и дека само во ретки случаи бактериите би можело да станат поотпорни на дезинфекциските средства – но, не и имуни, само малку поотпорни.
“Но, таква појава не е забележана кај вирусите“, вели Кноблох.
Основната состојка на повеќето дезинфициенси е алкохол. “Нема докази дека тоа на било кој начин создава резистенција на бактериите и вирусите“.
Особено што се работи за производи кои се дерматолошки испитани, исклучително добро се поднесуваат и нема да предизвикаат реакција на кожата.
Околу 15.000 вработени во Универзитетскиот медицински центар во Хамбург секојдневно ги користи, медицинските сестри и до 40 пати во текот на својата смена.
“Исклучително ретко се случуваат некои нетолеранции или алергиски реакции, а и тогаш тоа главно е последица на ароматичните или додатоците за навлажнување“, вели германскиот експерт.
Хирурзите, појаснува проф. Кноблох, пред операција ги дезинфицираат рацете три минути. “Тие буквално ја потопуваат кожата со алкохол и притоа немаат никакви последици„“.
Тој напоменува и дека дезинфицирањето на рацете со алкохол веројатно е “попријателско“ кон кожата од пречестото миење со сапун.
И германското дерматолошко здружение советува дека за кожата е подобро за се користи дезинфициенс отколку сапун, по што би било идеално да се намачкаат рацете со крема.
