Лицата кои претходно прележале КОВИД-19 биле подобро заштитени од делта варијаната на КОВИД-19 од лицата кои биле само вакцинирани, пто покажува дека природниот имунитет посилно штити од вакцината против таа варијанта на КОВИД-19, објавија здравствените власти во Калифорнија и Њујорк.
Заштитата од делта била најголема кај поединци кои претходно прележале КОВИД-19, па се вакцинирале, а најмала кај лица кои претходно немале КОВИД-19, ниту се вакцинирале, покажуваат резултатите од студијата.
Меѓутоа, вакцинацијата останува најбебзедна стратегија против КОВИД-19, се наведува во извештајот обајевн во неделниот преглед за морбидитет и морталитет на американскиот Центар за контрола и превенција на болести (ЦДЦ).
“Податоците во тој извештај не ги менуваат нашите препораки за вакцинација“, изјави портпаролот на ЦДЦ, д-р Бен Силк, еден од авторите на студијата. “Знаеме дека вакцинацијата сè уште е најбезбедниот начин за заштита од КОВИД-19“, додаде тој.
Здравствените власти во Калифорнија и Њујорк за студијата собрале податоци од мај до ноември кога делта беше доминантна варијанта на коронавирусот.
Студијата покажува дека лицата кои претходно прележале КОВИД-19 имале помала стапка на инфекција од лицата кои биле вакцинирани, а не прележале КОВИД-19.
Ова претставува значителна промена во однос на периодот кога алфа варијантата беше доминантна, додава д-р Силк.
“Пред делта вакцинацијата против КОВИД-19 резултираше со подобра заштита од инфекција отколку прележеување на претходна инфекција“, објаснува тој.
Во летото и есента 2021 година, кога делтата беше доминантна, прележувањето “обезбедуваше поголема заштита од инфекција отколку вакцинацијата“, истакнува докторот.
Ограничувањето на студијата е тоа што е завршена пред раширеното примање на на „бустер“ доза вакцина.
