Прашањата за заразноста на омикрон варијантата на коронавирусот се наоѓаат во центарот на научните, но и политички дебати во многу земји, во време кога владите се обидуваат да го формулираат одговорот на раширеноста на варијантата, а научниците брзаат за да ја разберат.
Резултатитите од оваа нерецензирана студија покажале дека лицата заразени со омикрон во Јужноафриканската Република помеѓу 1 октомври и 30 ноември, имаат 80 проценти помали шанси да бидат хоспитализирани од оние на кои им е дијагностицирана друга варијанта на вирусот, во истиот период.
Меѓу пациентите хоспитализирани во тој период, оние со омикрон имале слични шанси да развијат потешки форми на болеста КОВИД-19 како оние со други варијанти, но студијата покажала дека хоспитализираните со омикрон во октомври и ноември имале 70 проценти помали шанси да развијат потешки форми на болеста од оние примени во болница помеѓу април и ноември со делта варијанта.
“Нашите податоци навистина покажуваат позитивна приказна за намалување на сериозноста на омикрон во споредба со другите варијанти“, вели Шерил Коен, професорка на Националниот институт за заразни болести (NICD) и еден од авторите на студијата.
Таа објаснува дека резултатите се дополнително зајакнати со податоци кои покажуваат значително помал број на хоспитализации и смртни случаи во Јужноафриканската Република во текот на сегашниот бран на инфекции со варијанта на омикрон отколку во претходните бранови, но додава дека бројот на случаи на зарази сега е многу поголем.
Високо ниво на колективен имунитет
Авторите предупредуваат дека не треба да се донесуваат предвремени заклучоци за својствата на омикрон варијантата и додаваат дека не е јасно дали повисокото ниво на колективен имунитет или пониската заразност на варијантата омикрон имаат поголем придонес за помалата тежина на болеста.
Пол Хантер, професор по медицина на Универзитетот East Anglia во Британија, вели дека студијата е важна, но дека со споредувањето на податоците за омикрон од еден период и податоците од делта од претходно, е тешко да се одреди дали причината за пониските стапки на хоспитализација е факт дека омикрон е помалку заразен или дека е зголемен колективниот имунитет.
“До одреден степен тоа и не е важно за пациент ккому му битно многу да не се разболи“ вели Хантер, но додава дека резултатите се важни и поради можниот притисок врз здравствениот систем.
