Докторите открија комбинирана терапија која може на пациентите со витилиго повторно да им ја врати нормалната боја на кожата на депигментираните области на кожата. Новиот метод на лекување се состои од комбинација на лекот „Tofacitinib“, кој инаку се користи за третман на ревматоиден артритис, и UVB терапија, пренесува медицинскиот магазин „Jama Dermatology“.
Наведената комбинирана терапија досега била применета само кај двајца пациенти, но резултатите добиени по третманот биле драматични! Имено, постигнати се резултати кои е невозможно да се постигнат со вообичаени терапии за лекување на витилиго.
Пациентите кои добивале 5 милиграми „Tofacitinib“ два пати на ден и UVB терапија на целото тело два пати неделно. После три месеци, околу 50-75 проценти од површината на кожата, која била зафатена со витилиго, била репигментирана.
Витилигото е стекната, ограничена депигментација на кожата, која е склона кон ширење, а може да се појави и заедно со други болести. Депигментираните области настануваат како резултат на губење на функционалните меланоцити (клетки кои произведуваат пигмент).
Болеста зафаќа 1 до 2 проценти од популацијата, а меѓу заболените има подеднакво од обата пола и од сите раси. Може да се појави на која било возраст, но најчесто се јавува во детството или младоста (во 50 отсто од случаите пред 20 години).
