Нова хибридна варијанта, неофицијално наречена ‘делтакрон“ потврдена е со секвенционирање на геном, што го направиле научниците од Универзитетскиот институт Méditerranée Infection во Марсеј, а откриена е во неколку региони во Франција, се наведува во написот објавен во базата на податоци на medRxiv, кој се уште треба да помине рецензија.
Според податовите на межународната база на податоци GISAID, случаи на ‘делтакрон’ откриени се и во Данска и во Холандија.
Калифорниската компанија за истражување на генетиката Helix, во одвоено истражување идентификувала два случаи на ‘делтакрон“ во САД, а според пишувањата на Гардијан, околу 30 случаи идентификувани се и во Обединетото Кралство.
Новата хибридна варијанта настанала со процец кој се нарекува рекомбинација, што значи дека истовремено свете варијанти на вирусот заразиле ист пациент, притоа разменувајќи генетски материјал за да се создаде ново потомство.
Научниците велат дека “сржта“ на делтакрон потекнува од делта варијаната, додека нејзините шилести протеини – кои му овозможуваат на вирусот влез во клетките на домаќинот, потекнуваат од омиркон, стои во документот на medRxiv.
“Утврдивме дека рекомбинација може да се случи и кај луѓето и кај животните со повеќе циркулирачки варијанти на SARS-CoV-2“, вели д-р д-р. Соумја Сваминатан, главен научник на Светската здравствена организација (СЗО). Тој истакнува дека “сега треба да се почека да се направат прецизни експерименти кои ќе ги утврдат својствата на овој вирус“.
Се верува дека новата варијанта на коронавирусот во светот циркулира од јануари, наведува GISAID.
Марија Ван Керхове, технички раководител на СЗО за КОВИД-19, вели дека научниците засега не забележале никакви промени кога е во прашање тежината на болеста во споредба со претходните варијанти на коронавирусот, но потенцира дека се во тек бројни здравствени студии.
“За жал, очекуваме и други рекомбинации бидејчи вирусите така се однесуваат. Тие со тек на времето се менуваат. Воочиме многу интензивно ниво на циркулација на SARS-CoV-2. Забележавме и дека овој вирус може да зарази животни, а потоа животните ги враќаат вирусот на луѓето“, вели Ван Керхове.
