Според неколку нови истражувања, пациентите кои закрепнале од новиот коронавирус, дури и ако имале само благи симптоми, имаат темели за долготраен имунитет.
Антителата кои се борат против вирусот, како и Б-клетките и Т-клетките, можат да го препознаат вирусот во телото и неколку месеци по инфекцијата и му помагаат да создаде одбрана од нова зараза. Проблемот е што научниците не откриле колку долго овие клетки ќе го штитат организмот, но се додека се тука – му помагаат на телото во одбрана од повторна инфекција со вирусот и ја забрзуваат неговата имунолошка реакција.
“Сите клучни елементи на совршена одбрана од вирусот се тука“, вели проф. Марион Пепер, имунолог на Универзитетот во Вашингтон и автор на една од студиите.
За жал, целосен имунитет на новата инфекција не може во целост да се потврди се додека не се дојде до докази кои потврдуваат дека повеќето луѓе кои два пати се среќаваат со вирусот, навистина создаваат имунитет.
Антителата претставуваат само дел од сложениот и координиран систем кој телото го користи при одбрана од зараза. Вирусите кои успеале да ги заразат клетките, создаваат штит од антитела, но и понатаму може да ги уништат Т-лимфцитите кои заразените клетки ги принудуваат на самоуништување. Други Т-лимфоцити кои научнците ги нарекуваат “помагачи“ може да фи поттикнат Б-клетките на производство на антитела. Уште еден дел од нашиот имун систем ги напаѓа патогените неколку минути по нивното доаѓање, и во истиот момент испраќа сигнали (цитокини) кои ги мобилизираат антителата од другите делови на телото. Неколку докази покажуваат дека потешките случаи на КОВИД-19 настануваат откако токму тој систем не ја одработи својата работа.
Уште една работа на која треба да се обрне вимание се самите антитела кои имаат ограничено време на траење. Со оглед на тоа дека се работи за протеини, тие не можат да се размножуваат, што значи дека по некое време (неколку недели или месеци) тие исчезнуваат од крвта. Б-клетките кои произведуваат антитела живеат подолго Y и Т-лимфоцитите, и во случај на повторна зараза може да почнат да произведуваат одбрана. Тие клетки имаат складирани траги на “одбрана“ и тоа неколку месеци и години по инфекцијата. Токму тој механизам, според студијата на проф. Пепер, може да го одбрани организмот на лицата кои се опоравиле од КОВИД-19.
“Бројот на антитела паѓа, но дел од нив се одржува, што е можно да се препознае три месеци по првите симптоми, и што гарантира имунолошка реакција долго време по првата зараза“, објаснува авторката на студијата.
Присутноста на антитела долго по завршувањето на болеста значи дека Б-клетките и натаму се ајтивни во коскената срцевина. Пепер и нејзиниот тим откриле присутност на Б-клетки во крвта на лица кои се опоравиле од КОВИД-19 и поминале само со благи симптоми.
Новите истражувања исто така ги ублажуваат стравовите врзани за вирусот. Според стручњаците, голем број поединци кои го преболеле новиот коронавирус не се заразиле минимално три месеци по оздравувањето, а можеби и подолго.
“Можно е да се развие имунитет на вирус – оној кој траее долго“, вели Еун-Хунг Ли, имунолог на Универзитетот Емори и додава дека тоа треба сите да го знаат.
Некои вируси, како грипот можно е да се добие секоја година, а причината е неговата моќ за мутација. Коронавирусот мутира многу побавно, што значи дека имунитетот добиен сега, може да трае подолго.
