Истражувањето вели дека меѓу големата анализа на здравствените работници, речиси не биле забележани случаи на инфекција со SARS-CoV-2 кај оние кои:
- Претходно биле во контакт со вирусот и не биле вакцинирани
- Претходно биле во контакт со вирусот и се вакцинирани
- Никогаш не биле во контакт со вирусот и се вакцинирани
Но, дошло до зголемување на бројот на случаи на инфекции кај лицата кои не биле вакцинирани и не ја поминале болеста. Според научниците, истражувањето предлага дека природната инфекција нуди имунитет сличен на оној што го нуди вакцината. Според тоа, лицата кои не ја прележале болеста треба да бидат приоритет за вакцинација. Тие се согласуваат дека се потребни уште истражувања за да се знае колку трае имунитетот по опоравување од болеста КОВИД-19. Додека не се дојде до тие податоци, специјалистите инфектолози советуваат да лицата кои ја прележале болеста, сепак се вакцинираат со една доза вакцина против коронавирус.
Инфекцијата може да значи заштита
Околу 52.000 лица кои биле вклучени во ова истражување, од 2.580 лица кои ја имале болеста, 1360 не биле вакцинирани. 49.660 лица претходно не ја имале болеста, а 22.777 се вакцинирале. Според заклучоците, вакцинацијата во голема мера го намалува ризикот кај лицата кои не ја прележале болеста, но не и кај оние кои ја прележале, оти се чини дека тие лица имаат сличен имунитет со лицата кои се два пати вакцинирани, односно ревакцинирани.
“Подобро е дозите да се чуваат за лица кои немаат никаков имунитет, кои ја избегнале инфекцијата, па да се види дали треба дополнителе имунитет кај лицата кои ја прележале болеста“, посочува инфектологот д-р Моника Ганди.
Што досега знаеме за имунитетот?
Колку што се знае досега, имунитетот по болеста би можел да трае 8 месеци и повеќе. Едно истражување спроведено во Израел покажало дека повторна инфекција ретко се случува кај лицата кои ја прележале болеста, исто како и кај оние кои примиле две дози вакцина.
“Студијата спроведена на Клиниката Кливленд потврдува дека повторна инфекција кај лица кои прележале КОВИД-19 е ретка и се јавува со слаби клинички карактеристики, отколку првичната инфекција“, истакнува д-р Спенсер Крол, специјалист по интерна медицина.
КОЈ ТРЕБА ДА СЕ ВАКЦИНИРА?
Д-р Амеш Адаља, специјалист инфектолог, смета дека стакнатиот имунитет треба да се разгледа кога е во прашање вакцинацијата. “Не се работи за тривијалност, тој ќе допринесе за колективниот имунитет од вакцинацијата“, додава.
Д-р Ганди вели дека пациентите често прашуваат дали треба да се вакцинираат ако ја прележале болеста, а таа смета дека не постојат доволно податоци кои може да потврдат долку трае имунитетот по болеста. Нејзиното решение е едноставно да се прими една доза вакцина, која ќе делува како “бустер“.
Една студија открила дека лицата кои имале инфекција SARS-CoV-2 и кои примиле една доза вакцина, имаат посилен одговор на антитела и може да имаат и посилни, но нормални, реакции на вакцината, како на пример болка на местото на инјектирањето.
Добрата вест е дека нема докази кои би тврделе дека е опасно да се прими вакцината ако веќе сте се опоравиле од болеста.
