Во овие нови насоки препорачани се нови целни вредности на крвниот притисок 130/80 mmHg. Според старите насоки целната вредност на крвниот притисок беше 140/90 mmHg. Нормалната вредност на систолниот крвен притисок останува do 120 mmHg. Крвниот притисок од 130/80 до 139/89 mmHg се класифицира како степен 1 на артериска хипертензија. Крвниот притисок 140/90 mmHg и повеќе се смета за степен 2 на артериска хипертензија.
Препорачаните нови целни вредности на крвниот притисок имаат влијаније на лекувањето на оваа болест. Поради новите пониски вредности на крвниот притисок ќе има зголемена преваленца на артериската хипертензија кај општата популација за повеќе од 10 %.
Влијанието на новите насоки за превенција, дијагностицирање и лекување на артериската хипертензија имале резултатите од струдијата СПРИНТ во која целна вредност на систолниот крвен притисок била до 120 mmHg. Резултатите од студијата СПРИНТ покажале намалување на ризикот за срцев удар, мозочен удар или смрт кај високоризични пациенти во повозрасниот животен период. За степен 1 на артериска хипертензија се препорачуваат нефармаколошки мерки. Кај тие лица потребна е промена на лошите животни навики. Меѓутоа, кај пациентите со такви вредности на крвниот притисок и 10-годишен кардиоваскуларен ризик поголем од 10 %, потребна е терапија со медикаменти. За пациентите со степен 2 артериска хипертензија се препорачува терапија со лекови. Лицата кои имаат крвен притисок од 120-129 mmHg немаат индикација за лекување со медикаменти, туку треба да ги сменат лошите животни навики.
Промената подразбира намалување на прекумерната телесна тежина, диетална исхрана, намалување на дневниот внес на сол, редовна физичка активност и намалување на консумирањето на алкохол.
