Бројот на заразени со новиот коронавирус во Кина тројно се зголеми во последните 72 часа, при што истиот се шири од Вухан во другите поголеми градови.
Вухан пријави 136 нови случаи на респираторни заболувања. Главниот град Пекинг пријави два случаи, додека Шенжен потврди еден.
Вкупната бројка на евидентирани заразени лица сега надминуваат 200, а три лица починаа.
Здравствените власти ја идентификуваа инфекцијата, која за прв пат се појави во Вухан во декември, како вид на коронавирус. Тие велат дека таа доведува до појава на вирусна пневмонија, но се уште многу нешта за неа остануваат непознати. Иако се смета дека вирусот изворно дошол од пазар во Вухан, официјалните лица и научниците допрва треба да утврдат како почнал се шири.
Јужна Кореја го пријави својот прв потврден случај на вирусот денес, а два случаи се евидентирани во Тајланд и еден во Јапонија.
Појавата на новиот коронавирус ги оживеа сеќавањата на вирусот САРС, кој е исто така коронавирус, а од кој починаа 774 лица, во десетици земји, претежно во Азија.
Анализата на генетскиот код на новиот вирус покажува поблиска поврзаност со САРС вирусот, од кој било друг човечки коронавирус.
Експертите во Велика Британија за Би-Би-Си изјавија дека бројот на заразени лица може да биде далеку поголем отколку што сугерираат официјалните бројки, со проценки од околу 1.700 заразени.
