Во истражување од 70-тите години на минатиот век, откриено е дека високите нивоа на ХДЛ холестерол се поврзани со низок ризик од срцеви заболувања, што оттогаш се користи за проценка на ризикот од овие болести.
Новото истражување покажува дека ниското ниво на ХДЛ холестерол е поврзано со поголем ризик од срцев удар кај белите луѓе, но не и кај лицата од црната раса. Исто така, не е утврдено дека повисоките нивоа на ХДЛ холестеролот го намалуваат ризикот од кардиоваскуларни болести за двете раси.
Во истражувањето се користеле податоци од илјадници лица од белата и црната раса. Учесниците имале најмалку 45 години, а нивното здравје било анализирано во просек од десет години.
Научниците откриле дека високите нивоа на липопротеинот со ниска густина (ЛДЛ) холестерол и триглицеридите го предвидуваат ризикот од срцеви заболувања кај двете раси.
Тие напоменуваат дека се потребни повеќе истражувања за да се откријат причините за расната разлика помеѓу ХДЛ и ризикот од срцеви заболувања. Истакнуваат дека фокусот мора да се насочи на контролирање на покачениот ЛДЛ холестерол и други фактори кои го зголемуваат ризикот од кардиоваскуларни болести.
