Лицата заразени со високо преносливите алфа, делта и омикрон варијантите на коронавирусот исфрлаат поголеми количини од вирусот од оние заразни со други варијатни, покажале резултатите од нова студија објавена во списанието Nature.
Освен тоа, поединците кои се заразуваат со коронавирус по вакцинацијата, па дури и по бустер доза, се уште го исфрлаат вирусот.
“Ова истражување покажа дека тие три варијанти се поефективни при пренесувањето кога луѓето разговараат или викаат од соевите на коронавирусот кои први се појавија“, вели Џон Волкнес, инженер за јавно здравје на Државниот универзитет Колорадо во Форт Колинс.
Коавторката на студијата Кристен Колман, која истражува нови заразни болести на Универзитетот Мериленд, вели дека ова значи дека луѓето треба „да ги поттикнуваат владите да инвестираат во подобрување на квалитетот на воздухот во затворен простор преку подобрување на системите за вентилација и филтрирање“.
ИЗДИШАНИ ВИРУСИ
За студијата, Колман и нејзините колеги регрутирале 93 лица кои биле заразени со коронавирус помеѓу средината на 2020 година и почетокот на 2022 година. Инфекциите на учесниците биле предизвикани од алфа варијантата, која се појави на крајот на 2020 година, а подоцна и од варијантите делта и омикрон. Сите учесници со последните два соја биле целосно вакцинирани пред да се заразат со вирусот.
Заразените ги ставале главите во машината во форма на конус и викале, кашлале и кивале 30 минути, додека машината ги собирала честичките што ги издишувале. Уредот, наречен Gesundheit-II, одвоил капки од аеросол со дијаметар од 5 микрометри или помалку, кои може да се задржат во воздухот и да поминат низ платнена и медицинска маска.
Тимот откри дека учесниците инфицирани со алфа, делта и омикрон варијантите исфрлаат значително повеќе вирусна РНК при издишувањето, отколку луѓето инфицирани со другите варијанти. Ова ги вклучува и првичните варијанти на ковид, како онаа која првпат беше откриена во Вухан, Кина, како и оние кои не се поврзани со зголемена преносливост, како што е гама, која се појави кон крајот на 2020 година. За учесниците со делта и омикрон, аеросолот содржел во просек пет пати поголема количина на вирус.
Малин Алсвед, научник за аеросолна технологија на Универзитетот Лунд во Шведска, вели дека тимот комбинирал респираторни шеми за да имитира реално сценарио како престој во ресторан.
Еден учесник заразен со омикрон издишал 1.000 пати повеќе вирусна РНК од максималното ниво забележано кај оние со алфа или делта варијанта. Истражувачите велат дека изворот на овие несогласувања останува мистерија, но може да биде поврзан со биолошки фактори како што е возраста на личноста. Однесувањето, исто така, може да биде една од причините зошто суперширителите кашлаат почесто од другите.
Тимот напоменува дека луѓето заразени со коронавирус издишуваат многу помали количини на вирусна РНК од луѓето кои имаат грип. Ова сугерира дека Ковид може да мутира во варијанти кои пренесуваат уште повеќе вируси.
