Научниците идентификувале типови на имунолошки клетки кои би можеле целно да се користат за развој на специфични имунотерапии кај карциномот на дојка отпорни на хемотерапија.
Имено, додека хемотерапијата можеби нема да ги убие клетките на ракот кај овие високоризични пациенти, имунотерапијата, вид на лекување кој му помага на имуниот систем да ги нападне клетките на ракот, може да донесе корист, сметаат научниците.
Ново истражување покажало дека клетките на ракот отпорни на хемотерапија имаат многу малку имунолошки клетки околу себе, но дека хемотерапијата предизвикала промени во неколку типови на имунолошки клетки.
Конкретно, се открило зголемување на бројот на “вродени“ клетки (клетки кои први реагираат) како што се неутрофилите и клетките природни убијци (НK). НK-клетките му помагаат на телото да се бори против инфекции и рак.
Но, истражувањето објавено во Clinical Cancer Research, покажало дека зголемениот број на НК-клетки кај пациентите со болест отпорна на хемотерапија нема цитотоксична активност – “инстинкт за убивање“.
Исто така, откриени се гени поврзани со имуниот кои се поврзани со НK-клетките кои пак се поврзани со инхибиција или исцрпеност на клетките, што значело дека НK-клетките не можат да се борат против клетките на ракот.
Се смета дека овој нов увид во однесувањето на НK-клетките може да се искористи за да се развијат специфични имунотерапии за овие високоризични пациенти, кои треба да се истражи во идните клинички испитувања.
