Се уште е прерано да се каже дали новиот коронавирус се однесува како останатите сезонски вируси. За тоа навистона да се дознае, мора да се следи како бројот на случаи се менува на едно место низ цела година.
Но, наместо тоа, може да погледнеме како вирусот се шири во различни клими низ светот.
КАКВИ СЕ ДОКАЗИТЕ?
Постојат одредени докази дека нови случаи на заразата се евидентираат во постудени и сушни подрачја.
Една студија сугерира дека земјите се особено погодени од вирусот – оние во кои вирусот неконтролирано се ширел со локална трансмисија – до 10. март имале ниска просечна температура од оние кои бележеле помалку случаи.
Друго истражување анализирало 100 градови во Кина со над 40 случаи на КОВИД-19 и утврдило дека повисоките температури и влажноста на воздухот може да значат понска стапка на трансмисија.
Трета студија, која се уште не е рецензирана, сугерира дека, иако нови случаи на зараза има низ целиот свет, жариштата главно биле концентрирани околу релативно суви и студени подрачја – барем до 23. март.
Но, според кажувањата на група научници од Школата за хигиена и тропски болести во Лондон, вирусот сега се проширил на сите регии во сите климатски зони, од студени и суви до влажни подрачја.
ПОСТОИ ЛИ РАЗЛИКА ПОМЕЃУ СЕВЕР И ЈУГ?
Кај други бројни вируси, вклучувајќи го и грипот, сезонски примероци забележани се на северната и јужната хемисфера. Но, тропските регии близу екваторот немаат ист примерок.
Некои од влажните и жешки предели во кои имало случаи на локална трансмисија на вирусот кој ја предивизкува КОВИД-19 болеста, како Малезија и Демократската република Конго, се блиску до екваторот, па можеби не нудат најдобар увид во тоа што ќе се случи на другите места.
Но, ако се погледне јужната хемисфера, Австралија и Нов Зеланд, каде првите случаи се појавија кон крајот на летната сезона, се забележуваат многу помалку случаи отколку во земјите на северната хемисфера.
Во игра се многу фактори, како густината на населението.
Со оглед дека вирусот постапно се шири во светот, на почетокот поради глобалните патувања, и истовремено се менуваат годишните времиња, тешко е да се утврди ефектот кој климата ја има на неговото ширење.
ДАЛИ ОСТАНАТИТЕ КОРОНАВИРУСИ СЕ СЕЗОНСКИ?
Постојат одредени докази кои покажуваат дека коронавирусите претежно циркулираат во зимските месеци, објави тимот на научници на University College London и Лондонската Школа за хигиена и тропска медицина.
Дури 2.000 лица биле замолени еднаш неделно да испраќаат извештај за својата здравствена состојба и симптомите на белодробни болести, кои можеби се појавиле во нивниот дом. На сите оние со симптоми им биле земени брисеви и биле тестирани на широк спектар на вируси. Резултатите покажале значајно зголемување на бројот на заразени со коронавирус во текот на зимските месеци, вклучувајќи и грип. За време на летото, забележан е малку помал број на случаи.
Една од авторките на студијата, Елен Фрагас, вели дека поради тоа, многу е можно во текот на летниот период на имаме одмор. Но, се уште со сигурност не може да се каже како е се однесува новиот коронавирус. А, поради големиот број активни случаи во светот, не треба премногу да се надеваме дека летото ќе ги реши овие проблеми.
Д-р Мајкл Хед вели дека ширењето и влијанието на новиот коронавирус евидентно е поинаков од останатите коронавируси кои предизвикуваат обична настинка.
