Шансите, лицата кои носат диоптриски очила да бидат заразени со новиот коронавирус се три пати помали, отколку оние кои не носат, од едноставна причина што поретко ги тријат очите, покажува помало индиско истражување спроведено на 304 лица на возраст од 10 до 80 години, кои пријавиле симптоми на вирусот.
Деветнаесет проценти од испитаниците изјавиле дека носат очила поголемиот дел од времето најмалку осум часа на ден.
Студијата покажала дека ризикот од инфекција со КОВИД-19 е приближно два до три пати помал кај населението кое носи очила, во споредба со оние што не носат очила, објави.
Луѓето имаат навика да го допираат лицето во просек 23 пати за еден час, а очите просечно три пат за еден час, покажало индиското истражување. Научниците кои го спровеле, велат дека долгорочната навика на носење очила може да спречи повеќекратно допирање и триење на очите, а со тоа и потенцијално пренесување на вирусот.
Минатата година, кинеските експерти открија дека меѓу пациентите со КОВИД-19 од општата популација, има пет пати помалку луѓе со диоптриски очила.
Група научници од универзитетската болница во Нанчанг објаснува дека веруваат дека тоа е така затоа што АЦЕ2 рецепторите АЦЕ2, на кои вирусот “се закачува“ за да навлезе во телото и да ги зарази човечките клетки, се наоѓаат во делот на очното јаболко.
Авторите на студијата сметаат дека очите се важен канал што овозможува продирање на SARS-CoV-2 во телото.
„Забележавме дека пациенти со КОВИД-19 кои подолг период секодневно носта диоптриски очила беа релативно ретки, што може да биде прелиминарен доказ дека таквите лица се помалку подложни на инфекција со овој вирус“, заклучуваат авторите на студијата.
