Од кога се појавија одредени проблеми со вакцината АстраЗенека, се размислуваше за можноста за мешање на вакцините, а резултатите од ново и опсежно истражување покажале дека возрасните лица веројатно ќе имаат благи или умерени несакани ефекти по мешањето на дози АстраЗенека и Фајзер.
Одреден број земји ја ограничија употребата на АстраЗенека вакцината, некои како Норвешка ја исфрлија од употреба, а во земјава нема стигнато нови дози од оваа вакцина.
Според прелиминарните резултати од новото истражување кои се објавени во медицинското списание Лансет, се чини дека тоа не би требало да биде проблем и дека нема пречки во втората доза по АстраЗенека се даде втора доза Фајзер вакцина.
Кај комбинирањето на овие две вакцини забележани се нуспојави – треска, главоболка и болки во мускулите, но сепак нешто почесто отколку кога двете дози се од ист производител.
Сите несакани ефекти сепак биле краткотрајни.
“Тоа е навистина интиргантно откритие и не баш очекувано“, вели проф. Метју Снејп од Оксфордското здружение за вакцини.
Студијата Ком-Ков е започната во март за да се види дали може комбинацијата на две различни вакцини во две дози да пружи долготраен имунитет и подобра заштита од новите варијанти или едноставно да се овозможи замена на вакцини ако снабдувањето се прекине.
Канадските провинции Онтарио и Квебек соопштија дека во блиска иднина планираат да ги мешаат вакциите, по неизвеноста околу испораката на АстраЗенека вакцинат, но и поради потенцијалните опасности од создавање на крвни згрутчувања.
Во истражувањето учествувале 830 доброволци над 50 години. Секој десетти кој добил две дози АстраЗенека во период од четири недели, пријавиле треска. Оние кои пријавиле исти симптоми, а добиле по една доза АЗ и Фајзер биле 34 проценти. Исти разлики се појавиле и кај останатите нуспојави како што се замор, главоболка, малаксаност и болки во мускулите.
