На почетокот на пандемијата со новиот коронавирус, научниците истражуваа зошто жените нешто помалку заболуваат отколку мажите и истакнуваа дека нив всушност ги штити естрогенот.
Сега, најново истражување открило дека жените во постменопауза имаат поголем ризик да развијат тешки симптоми на КОВИД-19, а сето тоа повторно е поврзано со естрогенот.
Научниците од Кралскиот колеџ во Лондон тврдат дека лачењето на естроген обезбедуват поголема заштита од коронавирусот.
За да дојдат до ова сознание, научниците анализирале податоци од 600.000 жени, кои користеле посебна апликација Covid Symptom Study. Тие преку апликацијата секојдневно ги информирале истражувачите како се чувствуваат и утврдено е дека жените кои биле во постеменопауза имале за 22 проценти поголем ризик од развој на тешки симптоми на болеста, во однос на жените кои и натаму имале редовен менструален циклус.
Студијата покажала и дека жените кои се постменопауза, имаат поголема веројатност да бидат хоспитализирани и дека ќе им биде потребна респираторна поддршка.
Жените во рана менопауза пак, имаат помала веројатност посериозно да се разболат од коронавирус, како и оние на комбинирана контрацептивна терапија, која содржи естроген.
Естрогенот е полов хормон кој е одговорен за развој и регулирање на женскиот репродуктивен систем. Нивото на естроген кај жената опаѓа во менопаузата и може да влијае на функционирањето на организмот, па дури и на имуниот систем.
