НОВО ОТКРИТИЕ: Тест на крвта може да открие дали имуниот систем на пациентот е способен да се бори против сериозна форма на КОВИД-19

Тест на крвта за ран имунолошки одговор на вирусот, развиен во Институтот за медицински истражувања во Австралија, може значајно да помогне во земјите кои се соочуваат со втор и трет бран на пандемијата.

Тестот открива две клучни нивоа на хемиски сигнали кои ги произведуваат Т-клетките кога ќе препознаат клетки заразни со коронавирусот

Истражувачи од Институтот за медицински истражувања во Австралија, разволе начин на испитување со кој може да се заклучи дали имуниот систем на пациентот со КОВИД-19 ќе се подготви за борба против вирусот кој предизвикува смртоносна болест.

Научниците се надеваат дека ова откритие може да користи за рано утврдување на состојбата на имуниот систем на пациентот што не реагира на соодветен начин и поради тоа се во поголем ризик од сериозна болест.

Тестот, чии детали се објавени во списанието Clinical &Translation Immunology, открива високо ниво на два клучни хемиски сигнали што ги произведуваат Т-клетките кога ќе препознаат клетки кои се заразени со SARS-CoV-2 и почнуваат да се борат против инфекцијата.

Т-клетките се имунолошки клетки кои препознаваат и ги уништуваат клетките заразени со коронавирусот SARS-CoV-2. Типично рано реагираат, дури и пред телото да почне да создава антитела. Што е најважно, Т-клетките развиваат трајно помнење на вирусните инфекции, што му овозможува на имуниот систем брзо да реагира во случај на повторна инфекција.

Т-клетките развиваат трајно помнење на вирусните инфекции, што овозможува имуниот систем побрзо да реагира во случај на повторна инфекција

“Т-клетките прозиведуваат низа на сигнали молекули кога се борат против вируси. Тие сигнални молекули во основа се показател дали реагираат Т-клетките на вирусот SARS-CoV-2 и дали ја мобилизираат имунолошката војска за покренување напад“, објаснува проф. Кори Смит, од Институтот.

“Ако успееме да пронајдеме начин дали се присутни или не, тогаш можеме да дознаеме дали реагира имуниот систем на пациентот како што треба“, додава проф. Смит.

“Откривме дека Т-клетките кај лицата кои се опоравиле од КОВИД-19 произвеле поголема количина на сигнални молекули интерферон гама и интерлеукин-2, кои учествуваат во убивање на клетките заразени со вирусот и гии поттикнуваат Т-клетките да дојдат на заразеното подрачје“, открива проф. Смит.

Крвниот тест може да им помогне на лекарите да ги идентификуваат пациентите чии Т-клетки не започнале со имунолошки одговор и кои затоа не се борат против вирусот и имаат поголем ризик од сериозна болест. Во тој случај, пациентите би можело повнимателно да се следат за да им се обезбеди порано лекување, наместо да чекаат додека не развојат сериозни симптоми.