Откритие на тимот од болницата Маунт Синаи воо Њујорк, би можело да помогне во решавање на големиот проблем со кој се соочуваат лекарите ширум светот во лекувањето на заболените од коронавирусот – создавање на крвни згрутчувања/тромб кои ги комплицираат тешките форми на болеста, која и онака е тешка за лекување.
Тимот објави дека продолжува со истражувањето на делувањето на антикоагулантите како би открил кој од нив и во која доза делува најдобро.
“Пациентите кои примаа антикоагуланти, беа во подобра состојба од оние кои не ги примаа. Тоа веќе има импликација. Луѓето, верувам, треба да се лекуваат со антитромбоцитни лекови“, вели д-р Валентин Фустер, директор на болницата.
Резултатите се уште не се доволно јасни за недвосмислени препораки и тимот напоменува дека е поголема веројатноста лековите против згрутчување на крвта да им се даваат на потешко заболените од КОВИД-19.
Фустер и неговиот тим во истражувањето опфатиле над 27.000 пациенти лекувани во болницата. Од март, на некои пациенти им биле давани лекови против згрутчувања.
Тимот системски проучувал дали тие лекови резултирале со различни исходи и утврдиле дека е така – во случај на пациенти кои биле на респиратори.
Откриле дека 29 проценти од пациентите на респиратори кои добиле антикоагуланти, починале во однос на 63 проценти на оние на респиратори кои починале, а не добивале лекови против згрутчувања во крвта.
Научниците не воочиле значајно зголемување на шансите за важната нуспојава од таквата терапија – проблеми со засилено крварење, кај оние пациенти кои примале антикоагуланти.
Нивното истражување покажало дека пациентите примале различни лекови против згрутување и во различни дози, па тоа прашање треба да се проучи.
Д-р Фустер додадава дека создавањето крвни згрутчувања е важен фактор во леталниот исход на заболените од КОВИД-19. Тоа почнува со создавање на тромбови во белите дробови, потоа бубрезите, срцето, и на крајот во мозокот, вели тој.
Лекарите сакаат да проучат и дали лековите против згрутчување може да делуваат и кај пациентите кои не се хоспитализирани, со оглед на тоа дека се појавуват загрижувачки случаи на мозочни удари кај лица помлади од 50 години, кај кои не треба да постои ризик од удар, а дополнително е утврдено дека биле заразени со коронавирусот.
Се уште не е познато зошто вирусот предизвикува создавање на тромбови, но лекарите велат дека може да се работи за нуспојава на тешката воспалителна реакција поттикната од вирусот.
