Земањето антидепресиви за време на бременоста може да го зголеми ризикот од труднички дијабетес за дури 50 отсто, покажуваат резултатите од новата студија, која всушност за прв пат успеала да ја пронајде врската меѓу популарните лекови против депресија.
Гестацискиот дијабетес обично за време на бременоста може да одведе до компликации при породувањето, па така не е необично бебето и да биде многу покрупно заради што постои ризик да се заглави во родилниот канал.
Претходните студии, исто така, докажале дека децата на трудниците кои патат од труднички дијабетес се поподложни на дебелина и дијабетес во подоцнежниот животен период. Научниците кои стојат зад ова истражување објавено во БМЈ Опен, веруваат дека антидепресивите можат да предизвикаат труднички дијабетес затоа што влијаат на метаболизмот на глукозата, процес во кој е вклучен серотонинот, познат како хормон на среќата.
Меѓутоа, трудниците не сметаат тукутака да се симнуваат од антидепресиви затоа што тоа може да биде и ризично, туку тоа треба да го прават постепено во договор со доктор.
