Родителите на новороденчињата спијат само 4 часа и 44 минути просечно во текот на една ноќ за време на првата година од животот на бебето, покажала најновата британска студија.
Во првите 12 месеци од животот на детето, мајките и татковците спијат 59 проценти помалку од препорачаните 8 часа спиење на ноќ, а со тоа „губат“ околу 50 ноќи кои требало да ги преспијат во таа година. Истражувањето покажало дека на еден родител во просек му се потребни околу 54 минути за да го заспие бебето, на што се „трошат“ речиси 14 дена во таа година, пишува „Индепендент“.
Студијата покажала дека поради недостатокот на сон може да дојде до проблем во врската
Две третини од испитаниците изјавиле дека се скарале со својот партнер поради станувањата во текот на ноќта и повторното заспивање на бебето. Истражувањето покажало дека 23 проценти од испитаниците веруваат дека недостатокот на сон во првата година од животот на нивното дете е заслужно за нивното „малку чудно“ однесување. Дури 64 проценти од родителите биле изненадени што воопшто успеале да функционираат онака како што функционирале.
