Австрискиот лекар Карл Ландстеинер во почетокот на 1900 година човековата крв ја поделил во денес четири познати типа. На повеќето им е познато дека секој би требало да ја знае својата крвна група ако некогаш се најдат во ситуација да им затреба туѓа крв, а познати се и разните принципи на исхрана кои се базираат токму на тие четири различни видови. Немаат сите луѓе иста крвна група, но 0 е по многу нешта специфична.
Оние со 0 крвна грипа се универзални донатори
Крвната група 0- се дава во итни случаи, кога е важно да се спаси нечиј живот, а типот 0- е најсигурен за новороденчињата чиј имун систем е недоволно развиен.
Оние со крвна група 0 можат да примат крв само од 0
Личностите со крв од типот 0+ можат да примат крв само од оние со групи 0+ и 0-, додека оние кои имаат 0- можат да примат само од истиот тип. Во итни случаи кога недостасува групата 0-, таа може да биде заменета со типот 0+.
Ризици по здравјето
Иако влијанието на крвните групи врз здравјето се уште не е доволно истражено, постојат одредени теории за здравствените ризици и придобивките за личностите со различни крвни групи. Се смета дека така личностите со крвна група 0 може да бидат поподложни на некои бактериски и вирусни инфекции, вклучително и некои исклучително тешки како куга, колера и туберкулоза. Некои студии покажуваат и дека поединци со крвна група 0 имаат за 35 отсто поголеми шанси да заболат од некои цревни болести од носителите на групите А, Б и АБ.
Придобивки за здравјето
Носителите на ова крвна група имаат најмал ризик од развој на некои срцеви болести, а за 25 отсто им е наводно намален и ризикот за заболување од рак на штитната жлезда. Исто така, имаат и помал ризик од развој на болести на циркулацијата и некои когнитивни пореметувања.
Тип 0 и исхрана
Можеби некогаш сте чуле за таканаречените „диети според крвните групи“ во кои главно се тврди дека консумирањето одредени производи кои и одговараат на крвната група ќе помогнат да останеме здрави и во форма. Но и покрај нивната голема популарност недостасуваат научни докази и не се научно признати.
