Прекумерното потење претставува излачување на пот во количини поголеми од потребните за да му се овозможи на телото да се олади. Прекумерното потење обично е најизразено на дланките, нозете и под пазувите. Освен отежнување на нормалните активности, прекумерното потење може да предизвика и социјална анксиозност или срам.
Потењето е процес со кој телото се лади и ја одржува нормална телесната температура, а нормална телесна температура е под 37° C. Со потењето од телото се исфрлаат токсините и непотребните супстанции.
Потењето се јавува како одговор на надворешни фактори како што е топлина, разни активности кои вклучуваат многу движење, нервоза, дебелина и слично
Може да биде нормален одговор на постоење на инфекции во организмот, состојба како што е бременоста или менопаузата или како резултат на покачени нивоа на хормони. Постојано потење може да се јави и како резултат на прекумерна активност на тироидната жлезда.
Потењето, особено во лето, е појава која е неминовна, кај некои е поизразена, а кај некои-помалку изразена. Станува збор за процес неопходен за „ладење“ на телото, но постојат работи кои можат да ви помогнат да го намалите.
Нутриционистот Рик Хеј открива кои витамини се најдобри во случај на прекумерно потење.
Прв предлог е витамин Б, кој го намалува чувството на стрес, кое предизвикува прекумерно потење. Користете магнезиум за да ги надоместите изгубените електролити, намалите го внесот на алкохол и кофеин и јадете лесна храна. Овошјето како лубеница или грозје содржат доволно течности и лесно се варат.
Минералите се главните компоненти на нашиот нервен систем, па ако електролитите како натриум и калциум не се надоместени, нервите ја губат способноста да ги отвораат и затвораат порите, па веројатно ќе се потите постојано. А ако сте под стрес поради сите ситуации кои минуваат низ вашиот ден, проблемот станува уште поголем.
Медицински причини за прекумерно потење:
- ендокардитис,
- треска,
- анксиозно растројство,
- проблеми со срцето,
- хипертироидизам (преактивна тироидна жлезда),
- леукемија,
- лекови како што се бета блокатори и некои антидепресиви,
- менопауза,
- стрес,
- туберкулоза.
