Желбата за одредена храна се јавува кога надвор се високи температурите, па некако почесто избираме студено јадење наместо топло вариво. Важно е да знаете дека внесувате се што е му е потребно на организмот поради жештините.
Екстремно високите температури ќе направат хаос во организмот и ќе биде многу потешко да правите некои вообичаени работи, како спиење и подготвување на здрави оброци. Губењето на апетитот е нешто на многумина им се случува во текот на летото, па иако грицките може да послужат како моментално задоволство, тие нема да ви го понудат она што ви треба. Здрават исхрана и понатаму е приоритет, па што и да правите и каде и да сте, внимавајте што јадете.
Што да јадете кога надвор се големи горештини?
Важно е да се разлади организмот и да му се даде доволно течности, но водата не е единствената течност што ќе ви го обезбеди она што ви треба.
НАМИРНИЦИ ПОЛНИ СО ТЕЧНОСТИ
Според нутриционистот Кери Торенс, храната сочинува дури 20 до 30 проценти од течноста што ја внесуваме, па секако дека е неопходно да се јаде што повеќе таква храна кога надвор е +36 степени. Сладоледите и ладните зашеќерени пијалаци се веројатно првото нешто што ви паѓа на ум, но доколку сакате да се оладите тие би можеле да направат повеќе штета отколку корист.
Наместо такви намирници, таа советува овошје и зеленчук, а најдобар избори би бил следниов:
- Јагоди
- Краставици
- Домати
- Целер
- Зелена салата
- Лубеница
СУПА И ВАРИВА
Секако, не се само свежите производи полни со течност, а некои варива и супи се одличен избор за топлите денови. Ако сакате да подготвите едноставна вечера, заменете го месото со риба, од која можете да направите вкусна супа. Целерот и свежите зачини одлично ќе одат со рибата.
Што можете да направите?
- Па, да речеме едно ладно смуди кое може да содржи спанаќ и овошје, ако не сакате да јадете нешто топло.
- Можете да подготвите пилешко со домат, или супа од зеленчук со сите сезонски зеленчуци.
- Супата од пилешко и зеленчук ќе го освежи организмот, а за подобар вкус можете да додадете и летен зеленчук.
ЛУТА ХРАНА
Едно луто јадење можеби нема да ви падне на ум на жештината, а може да ви изгледа и како многу глупав потег да посегнете по лутите пиперки. Иако можеби не изгледа како логичен избор во текот на летото, Торенс објаснува дека одредени намирници за кои мислиме дека се лути, всушност можат да понудат олеснување за време на топлотниот бран. Таа наведува дека храната како лути пиперки и зачини ќе ја подигне телесната температура но и ќе го забрза метаболизмот, што пак ќе го поттикне потењето, а ако не сте знаеле, токму така ќе се разладите.
САЛАТИ
Салатите се логичен одговор кога организмот бара освежување, а можете да ги подготвите од разни и достапни намирници. Освен што ви нудат течност, тие на организмот му нудат и разни хранливи материи кои се многу неопходни во лето. Доколку сакате една нискокалорична салата, можете да и додадете семки од сончоглед или чиа, јајца, нискомаслено сирење, зачини по избор и малку сок од лимон.
