Чаевите се одлични сојузници на имунитетот, кои не само што ќе не загреат во зима, туку и лековитите билки од кои ги подготвуваме чаевите ќе го зајакнат и заштитат организмот од честите инфекции на системот за дишење кои ги придружуваат постудените зимски месеци.
ЃУМБИР
Ѓумбирот (Zingiber officinale Zingiberaceae) дава пикантен, ароматичен вкус, а се подготвува свеж или сушен. Ѓумбирот е богат со ароматични испарливи масла кои му даваат карактеристичен вкус и арома. Маслото од ѓумбир содржи сесквитерпени, зингиберен, поради што ѓумбирот има антивоспалително дејство. Содржи монотерпени и алдехиди и делува против вирусите на настинка и има антисептички својства, го помага искашлувањето, го помага потењето и ја смирува треската.
Ѓумбирот има силно влијание врз здравјето, влијае на кардиоваскуларниот систем и циркулацијата, го помага варењето, го намалува апетитот и го покренува метаболизмот. Ѓумбирот е сојузник на имунитетот и е ефикасен во сузбивање на мачнините за време на патување и за време на бременоста против првите утрински мачнини (предупредување: консултирајте се со гинеколог пред употреба).
Ѓумбирот има корисен ефект врз намалувањето на крвниот притисок, намалувањето на нивото на шеќер и холестерол во крвта. Чајот од ѓумбир делува смирувачки на првите знаци на настинка и грип, а лесно се подготвува.
КАКО СЕ ПОДГОТВУВА
Додадете една лажичка свеж рендан ѓумбир во чаша врела вода, покријте и оставете да отстои пет до десет минути. Процедете го чајот и оставете го да се излади. По желба, во млакиот чај додадете една лажичка домашен мед и свежо исцеден сок од лимон. Пијте по две шолји чај дневно. Иако ѓумбирот нема штетни ефекти по здравјето, дефинитивно е потребна претпазливост за луѓето кои земаат лекови против згрутчување на крвта. Децата можат умерено да пијат благ чај од ѓумбир, а се препорачува овој чај да се комбинира со чаеви од јаболка или шумско овошје со додаток на домашен мед.
СЛЕЗ
Слез, див (Malva sylvestris Malvaceae), црн слез, шумски слез. Расте низ цела Европа и се карактеризира со дебели стебла, влакнести, жилав лисја и светло виолетови цветови и плодови со по едно семе. За медицински цели се користат лисја и цветови богати со слуз. Слезот содржи антоцијани, полисахариди, флавоноиди и делува смирувачки на слузниците и бронхиите. Слезот се користи за смирување на кашлицата и бронхијалните заболувања. Поради содржината на слуз, слезот има антиинфламаторни својства, а богат е и со полисахариди одговорни за зајакнување на имуниот систем. Листовите содржат витамин Ц, бета-каротен и железо како добри сојузници на имунитетот.
КАКО СЕ ПОДГОТВУВА
Чајот од слез можете да го направите така што ќе прелиете две лажички корен од бел слез со два до три децилитри млака вода и ќе го оставите да отстои најмалку два часа за да се излачи слузот. Можете дополнително да го загреете чајот, да го процедите и по потреба да го засладите со лажичка домашен мед. Можете исто така да додадете 1,5 гр суви лисја и цветови во чаша врела вода, покријте и оставете да се вари пет минути. Процедете го чајот и оставете го да се излади. По желба, во млак чај додадете една лажичка домашен мед и свежо исцеден сок од лимон. Пијте една до три шолји чај дневно. Може да предизвика алергиски реакции кај чувствителни лица, а не се препорачува за трудници или доилки.
