Лебот честопати добива лоша репутација, но тоа не мора секогаш да биде случај.
Иако е класифициран како јаглехидрат, сепак може да биде дел од балансирана исхрана – под услов да се избере вистинскиот вид.
Со оглед на големиот број опции достапни денес, клучното прашање е: како да го идентификувате најдобриот леб за вашето здравје ? За да помогнат во таа дилема, тројца регистрирани диететичари ги споделија своите совети со Health.com.
Што го прави лебот здрав?
Според експертите, лебот се смета за здрав ако исполнува неколку клучни барања. Пред сè, треба да биде богат со витамини и минерали кои придонесуваат за целокупното здравје.
Исто така е важно да имате доволно количество диететски влакна, кои помагаат во варењето и ви помагаат да останете сити подолго време, објавува Index.hr.
„За разлика од белиот леб, лебот од цело зрно ги задржува сите делови од зрното. Ова значи дека му ги дава на вашето тело сите придобивки што житото природно ги обезбедува“, објаснува Лена Бил од Академијата за исхрана и диететика.
Зошто ‘ртениот леб е уште подобар?
Регистрираната нутриционистка Грејс Дероча посебно го нагласува интегралниот леб од ‘ртење. Ова е леб направен од зрна кои ‘ртеле, што ја зголемува нивната хранлива вредност.
„Ртењето ја подобрува сварливоста, ја зголемува содржината на протеини и помага во подобра апсорпција на хранливи материи како што се витамините Б и железото“, вели Дероча.
Таа додава дека ‘ртениот леб може да има и поблаг ефект врз нивото на шеќер во крвта, што е корисно за луѓето кои го следат гликемискиот индекс на храната. Нутриционистката Саманта Касети се согласува, забележувајќи дека ‘ртењето го прави лебот полесен за варење и дополнително ја зголемува хранливата вредност на лебот.
Заклучок
Значи, ако барате најздрав леб, експертите препорачуваат да изберете 100 проценти леб од цело зрно, а доколку имате можност, одлучете се за леб од цело зрно со ‘ртење. Тој е похранлив, полесен за варење и може да има подобар ефект врз нивото на шеќер во крвта.
