Високиот холестерол може да претставува голема опасност за здравјето и може сериозно да го загрози здравјето на срцето. Како холестеролот се зголемува, така почнуваат да се развиваат маснотии кои го отежнуваат течењето на крв низ артериите. Оваа состојба се нарекува атеросклероза, состојба која може да доведе до крвни згрутчувања – тромб, срцев и мозочен идар. За сето ова да се спречи, важно е да се јадат здрави намирници кои ги сакаат срцето и крвните садови.
ЗОШТО ДОАЃА ДО ПОКАЧЕН ХОЛЕСТЕРОЛ?
Причините за висок холестерол во крвта може да бидат многубројни – на пример, консумирањето премногу храна богата со холестерол, заситени масти и транс масти може да го зголеми ризикот од развој на висок холестерол.
Прекумерната телесна тежина и обезноста исто така може да го зголеми вашиот ризик. Останати фактори на животниот стил кои можат да придонесат за висок холестерол се неактивноста и пушењето.
Вашата генетика може да влијае и на вашите шанси за развој на висок холестерол. Гените се пренесуваат од родителите на децата. Одредени гени му кажуваат на вашето тело како да ги обработува холестеролот и мастите. Ако вашите родители имаат висок холестерол, вие исто така може да имате поголем ризик да го имате. Други медицински состојби, како што се дијабетес и хипотироидизам, исто така може да го зголемат ризикот од развој на висок холестерол и сродни компликации.
ОВЕС
Овесот е најбогатиот вид житарки со протеини на нашето поднебје. Покрај тоа што е богат со протеини важни за производство на телесна енергија, овесот е одличен извор на “добри“ јаглехидрати кои помагаат во балансирање на нивото на шеќер во крвта. На овој начин избегнувате нагли “скокови“ и “падови“ на шеќерот во крвта предизвикани од рафинирана храна како што се кроасани, лепчиња, рафиниран корнфлекс и други нездрави опции за појадок. Тука се и растителните влакна кои ќе го намалат лошиот холестерол, а според лекарите од Клиниката Кливленд, ако додадете само една шолја овесна каша во вашиот оброк во денот, можете да го намалите холестеролот за 5 до 8 проценти. За уште подобар резултат, добро е да додадете овошје во кашата.
ЈАТКАСТИ ПЛОДОВИ
Бадемите, оревите и другите јаткасти плодови се одличен начин за намалување на ЛДЛ “лошиот“ холестерол. Минатогодишно истражување покажало дека лицата кои јадат јаткасти плодови секој ден во текот на две години може да имаат ефект на намалување на лошиот холестерол, но и зголемување на нивото на “добриот“ холестерол.
“Честичките на ЛДЛ холестеролот доаѓаат во различни големини, а истражувањата покажале дека малите, густи честички на ЛДЛ холестеролот почесто се поврзуваат со атеросклероза, наслага што се акумулира во артериите“, вели проф. Емилио Рос. Ако не сакате да грицкате јаткасти плодови, тогаш додадете ги во јогурт, каша или салати.
АВОКАДО
Авокадото е овошје полно со масти, дури 77 отсто од калориите од него се само масти. Но, се работи масти од олеинска киселина, истите оние кои се наоѓаат во маслиновото масло, основата на медитеранската и една од од најздравите видови на исхрана познати на светот. Ако мислите дека делуваат против добриот холестерол, се лажете бидејќи тие всушност ќе ви ги намалат шансите за развој на срцеви заболувања. Иако бананата стана позната како синоним за калиум, бидејќи во 100 грама банани може да се најдат 10% од препорачаната дневна количина, во 100 грама авокадо се наоѓаат 14%. Внесот на препорачаната дневна количина на калиум е важно за намалување на крвниот притисок, а со тоа и за намалување на ризикот од срцев удар.
МАСЛИНОВО МАСЛО
Повеќето се согласуваат дека маслиновото масло, особено девственото, е многу корисно бидејќи содржи олеинска киселина, незаситена масна киселина, најзастапена во овој вид масло, а делува на намалување на воспаленијата. Ако го користите наместо други масла, добро сте избрале, а токму поради мононезаситените киселини тоа ќе влијае на намалување на нивото на холестерол.
Џули Манкузо, нутриционист, наведува дека медитеранската исхрана може да му биде благодарна токму на маслиновото масло за неговата популарност. Маслиновото масло е едноставмо да се вклучи во исхраната, можете да го додадете во варива, салати, а едноставно можете да го потопите лебот во него и да уживате во вкусот.
