„Надворешниот изглед е одраз и показател на се што се случува внатре во нашето тело“, вели Рут Чемберс, автор на книгата „Healthy Heart: Keep your heart happy“.
„Напишете ги на хартија сите лоши навики кои влијаат на здравјето на вашето срце. На листата, вклучете колку ви е стресна работа, колку често јадете брза или нездрава храна, дали пушите и слично. Размислете за тоа кои работи можете да престанете да ги правите и колку ќе влијаат врз вашето здравје“, препорачува Чемберс.
Кога ќе почнете да јадете здраво, најтешко е да одолеете на искушенијата
„Со нездрава храна не само што ќе се здебелите, туку со зголемување на обемот на половината ќе го зголемите и ризикот од срцеви заболувања. Измерете го обемот на половината со кројачко метро. Мажите треба да имаат обем до 95 см, а жените до 80 см. Се што е над тоа го зголемува ризикот од добивање на покачен крвен притисок, срцев удар, болести како што е ангина пекторис и зголемено ниво на холестерол. Кога ќе почнете да јадете здраво, најтешко е да одолеете на искушенијата. Ручекот однесете го на работа и така нема да порачувате храна или да очекувате од себе да гладувате додека не се вратите дома. За грицки земете овошје, неколку парчиња пилешка или мисиркина салама, јогурт и слично“, советува Чемберс.
