Дали станува збор за обични изгореници или можеби алергиска реакција? Алергијата на сонце не значи само да се мрази жештината; тоа е физичка реакција на кожата која главно не е опасна, но може да предизвика болка и иритација.
Алергија на сонце најчесто имаат младите жени со светол тен. Обично се јавува на пролет, кога делови од телото кои во текот на зимата биле покриени одеднаш ќе почувствуваат сончеви зраци. Најкритични се вратот и рацете. Раните симптоми вклучуваат чешање, црвенило, воспаление и осип, кој може да изгледа како црвени точкички или во најлошо сценарио, како пликови.
Едноставен тест
Алергијата на сонце понекогаш е тешко да се дијагностицира, со оглед на тоа дека симптомите варираат од личност до личност. Некои може да почувствуваат страшно чешање, додека на други кожата им е воспалена и покрај високиот заштитен фактор.
Клучот на препознавање на алергијата на сонце бара следење на симптомите кои се јавуваат при изложување на сончева светлина. За да се тестирате едноставно покријте еден дел од кожата и следете ги реакциите на сонцето.
Превентивни мерки
Освен болка и иритација, алергијата на сонце може да му нашкоди на здравјето и на други начини. Непријатните реакции на сонце ги присилуваат луѓето да излегуваат надвор само кога е облачно, што може да резултира со недостаток на витамин Д. Затоа е важно луѓето кои имаат алергии да земаат витамин Д.
За да спречите појава на алергиска реакција на сонце најважно, е, логично, да не излегувате надвор кога сонцето е најсилно. Носете лесна памучна облека, разладувајте се и обавезно туширајте се секој ден во топла вода.
