Речиси и да не постои човек кој не сака да ужива на плажа, да се сонча, плива… Научниците сега објаснија зошто е тоа така, односно како сонцето, песокот и морската вода влијаат на нашето физичко и ментално здравје.
Некои претходни студии покажаа дека морето, односно престојот на плажа го зголемува чувството на среќа, добро е за здравјето и ги подобрува функциите на мозокот. Истражувањето спроведено во Јапонија покажало дека луѓето кои живеат во куќа со поглед на море се далеку посмирени од останатите, а една британска студија утврдила дека кои живеат во близина на море се физички и психички поздрави.
Покрај тоа, морската вода содржи минерали, вклучувајќи магнезиум, калиум и јод, кои му помагаат на организмот подобро да се справи со инфекциите, додека вдишувањето на морскиот воздух помага да спиеме подобро, велат експертите.
Клиничкиот психолог Ричард Шустер вели дека ова „зен“ чувство кое го имаме кога сме на плажа е последица на различни нешта, а не само на изложеност на витамин Д.
„Сината боја се поврзува со чувството на смиреност и мир”, вели тој. Тој додава дека само гледањето во водата не води до некаква состојба на медитација и всушност ја менува фреквенцијата на мозочните бранови.
Звукот, кој го произведуваат брановите, тоа препознатливо шушкање, помага во активирањето на парасимпатикусот, не успорува и ни помага да се релаксираме
„Тоа на некој начин го дестимулира нашиот мозок“, вели д-р Шустер.
Дури и физичкото чувство на песокот под прстите е добро за нашето здравје и ни помага да се чувствуваме исто како за време на медитација, смирено.
„Фокусирајте се на тоа дека вашето тело е топло од сончевите зраци, на тоа какво е чувството на песокот под вашите прсти, дишете длабоко и вдишувајте морски воздух“, советува психологот.
