Американските лаборатории Модерна и Мерк објавија први позитивни резултати за нивната вакцина против рак на кожата на база на информациска РНА која е во фаза на развој, а би се примала во комбинација со лекови против карцином.
Во текот на испитувањето на 150 лица заболени од меланом, земањето на вакцина истовремено со лек против рак, овозможило да за 44 проценти се намали ризикот од рецидив на ракот и од смрт, во споредба со лицата кои добивале само терапија против рак.
“За прв пат во рандомизирано клиничко испитување покажавме дека информациската РНК може да делува на меланомот“, објасни Стефан Бансел, извршен директор на Модерна.
Модерна и Мерк, познати под кратенката MSD, планираат наскоро да ги објават целосните резултати од испитувањето, кои допрва треба да ги потврдат нивните колеги. Истовремено, планираат во 2023 година да ја започнат и таканаречената трета фаза од испитувањето, кое ќе се спроведе на значително поголем број пациенти.
Вакцината против меланом, се уште е во фаза на развој, “персонализирана“ е и “осмислена и е произведена врз основа на единствен мутациски потпис“, откриен на туморот на пациентот, наведуваат од компанијата.
Во текот на испитувањето, на пациентите им била звршена операција за отстранување на туморот, по што го примиле лекот – најмногу девет дози од вакцината.
