Дали некогаш сте виделе жена со таканаречена машка градба – широки раменици и тесни колкови, дека се здебелила во пределот на задникот? Не, а постои и причина зошто различните типови на градба се склони кон таложење масни наслаги на одредени делови од телото….Студиите покажале дека личностите со одредена градба најчесто имаат слични здравствени тегоби…
Проверете на кој тип градба припаѓате и откријте што може да очекувате во иднина – како ќе се дебелите и од кои болести треба да се чувате.
Градба во облик на јаболко
Личностите кои ја имаат оваа градба се дебелат претежно во пределот на стомакот каде им се собира вишокот на масти. Исто така, слаба точка им се и внатрешните органи на абдоменот. Кај овој тип постои зголемен ризик од кардиоваскуларни заболувања, висок крвен притисок, дијабетес тип 2, но и одредени видови рак како на матка и дебело црево.
Градба во облик на песочен часовник
Добра вест за овие личности е дека се дебелат рамномерно. Најчесто се подложни на болести на срцето и крвните садови, а панкреасот им е слаба точка заради што неретко заболуваат од дијабетес тип 2. Во превенцијата може да им помогне редовната физичка активност.
Градба во облик на крушка
Ова е најмалку популарна градба меѓу женскиот пол со оглед на тоа дека најтешко се симнуваат килограмите од задникот и нозете. Заради тоа целата тежина им е сместена во долниот дел од телото, личностите со ваква градба најчесто имаат проблеми со вените, какои зглобовите и колената. Болестите на срцето и абдоменот поретко ги погодуваат.
