Грутки во градите се првата работа којашто ни доаѓа на ум кога ќе помислиме на рак на дојка, но тие не се единствениот симптом кој покажува дека нешто не е во ред со организмот.
Добро знаеме дека необична грутка може да значи аларм кога станува збор за рак на дојка, но знаете ли дека постојат и други симптоми на рак на дојка, кои се помалку познати, како што се промени на кожата или брадавиците?
Ако знаете на што да обратите внимание, тоа може да помогне во поставувањето на рана дијагноза. Секоја ненадејна промена на градите и брадавиците може да сигнализира дека нешто не е во ред, вклучувајќи ги и промените во големината или обликот.
Невообичаена болка во градите или брадавиците е сигнал за преглед, како и брадавица, која одеднаш почнува да се врти навнатре. Многу жени не сфаќаат дека кожата на дојките може, исто така, да понуди важни информации за здравјето.
Ако кожата стане црвена, лушпеста, оштетена или нерамна, побарајте од вашиот лекар да ги прегледа градите
Истото се однесува и за исцедокот од градите (освен мајчиното млеко) и отекувањето, топлината или чувствителноста. Исто така, треба да ги испитате и отечените лимфни јазли под пазувите.
Се разбира, овие симптоми не сигнализираат секогаш рак на дојка. Понекогаш тие можат да бидат поврзани со менструалниот циклус. Меѓутоа, ако забележите нешто невообичаено, без разлика дали се работи за големината на градите, изгледот на брадавиците, текстурата или чувствителноста – поразговарајте со вашиот лекар што е можно поскоро.
