Подочниците не се секогаш знак за проблеми со здравјето, можеби едноставно не сте спиеле добро или тие во вашето семејство се наследна појава… Сепак, понекогаш и кожата на лицето може да открие дека можеби е време за разговор со стручно лице.
СУВА, ПЕРУТАВА КОЖА ИЛИ УСНИ
Ова е добро познат знак за дехидрација, а може да открие и многу посериозна состојба, како што е неправилна работа на тироидната жлезда или дијабетес, открива д-р Рошини Раџ, професор на Универзитетот NYU. Други симптоми кои можат да ги откријат истите проблеми се интензивна жед, често мокрење и заматен вид кај дијабетес или постојано чувство на студ и замор кај проблеми со тироидната жлезда.
РАСТ НА ВЛАКНА ПО ЛИЦЕТО
Симптом на полицистични јајници може да бидат и несакани влакна, особено на брадата или над усните, а тогаш треба да се провери нивото на покачените хормони.
Бидејќи состојбата влијае на голем број жени, треба да се провери ситуацијата, но секако појавата на влакна на лицето не секогаш значи дека нешто не е во ред, може да се работи за наследна склоност или едноставно – процес на стареење.
ЖОЛТИ ТОЧКИ НА ОЧНИТЕ КАПАЦИ
Ксантелазмите се бенигни формации на кожата кои се појавуваат поради локално таложење на липопротеини, а може да откријат зголемен ризик за развој на срцеви заболувања. Според една медицинска студија, откриено е дека луѓето кои имаат жолти израстоци на очниот капак често имаат покачено ниво на холестерол, а знаеме колку тој е опасен за срцето…
ПОДОЧНИЦИ
Очи кои изгледаат уморнои, што поради темните кругови, што поради отеченост, може да бидат симптом на хронична алергија. Д-р Раџ наведува дека ваквите промени може да откријат и проблеми со тироидната жлезда, но може да бидат и последица на слип апнеа.
АСИМЕТРИЈА НА ЛИЦЕТО
Ова може да биде еден од првите симптоми на мозочен удар, наведува д-р Леана Вен, лекар за итна медицина. “Пациентите често го опишуваат како момент кога се погледнале во огледало и сфатиле дека нивното лице изгледа поинаку“, вели тој. Може да забележите и дека едната страна од лицето ви е вкочанета и дека имате проблем со зборувањето. Бидејќи клучот за успешно лекување на мозочниот удар е брзината, доколку забележите некој од овие симптоми, веднаш побарајте лекарска помош.
ПОЈАВА НА ДИСКОЛОРАЦИЈА НА ЛИЦЕТО
Дури и ако се работи за благи промени, тие може да значат дека нешто не е во ред. Виолетовите усни или нокти може да укажуваат на проблеми со срцето или белите дробови, наведува д-р Малика Маршал, интернист.
ГУБЕЊЕ НА ВЛАКНАТА
Губењето на трепките може да значи алопеција, автоимуна болест која го напаѓа фоликулот на косата. “Може да биде ограничена на одреден дел од телото, но може да се појави на целото тело“, вели д-р Бенџамин Берт, офталмолог, додавајќи дека третманот е достапен, но за жал, нема лек.
Сите горенаведени симптоми може да откријат некои други состојби, но доколку сте загрижени, задолжително консултирајте се со лекар.
