Најчести симптоми на анемија, односно недостаток на железо се: отежнато дишење, неправилно чукање на срцето, депресија, низок крвен притисок, ослабено помнење, главоболка, бледа кожа, зуење во ушите.
Доколку ги препознаете симптомите кои укажуваат на анемија, многу е можно да имате проблеми со железото. Анемијата е предизвикана од недостаток на железо, кое е важно за формирање на црвени крвни зрнца, како и за пренос на кислородот во нашиот организам.
Немањето доволно црвени крвни зрнца доведува до анемија, која најпрво можете да ја забележите по бледата кожа. Добар начин да проверите дали ви недостасува железо е да ги испружите рацете пред вас со дланките свртени нагоре и да ги раширите прстите.
Ако наборите на вашата дланка се посветли во споредба со бојата на вашата кожа, тоа може да укажува на слаба циркулација предизвикана од ниското ниво на железо.
На тоа укажува и посветлиот корен на ноктот и бледата боја на внатрешната линија на долниот очен капак.
Најдобар начин да ја победите слабокрвноста е да јадете што е можно повеќе храна богата со железо, како што се: калинка, домат, сусам, спанаќ, брокула, соја, школки, урми, смокви, вино од капини.
Анемијата може да се потврди исклучиво со крвна слика, затоа доколку ги забележите овие симптоми, посетете лекар и направете анализа на крвта.
