Премногу ’куцкање’ по мобилниот телефон
Пречестото куцкање и праќање пораки од мобилниот телефон лошо делува на тетивите затоа што палецот е во неприродна, завиткана положба. Предолгото гледање во паметниот телефон, пак, е лошо за вратот и рамената. Со секое помрднување на главата нанапред се зголемува оптоварувањето на вратните мускули. Ако ја спуштате главата до тој степен брадата речиси да ви ги допира градите, значи дека вратот мора да поднесе пет пати поголема тежина отколку кога стоите исправно. Се разбира, болката е неизбежна.
Пукање на прстите
Често се јавуваат дилеми дали станува збор само за лоша навика или тоа може да предизвика сериозни последици. Се покажало дека не е толку опасно, не предизвикува артритис, но оваа навика лошо влијае на зглобовите и може да биде виновник за отекување на рацете.
Недоволно спиење, а ни квалитетно
Можеби се прашувате како лошиот сон може да влијае на зглобовите. Една студија открила дека луѓето со артритис чувствуваат посилна болка после немирна и непроспиена ноќ. Теоријата вели дека како резултат на неквалитетен сон доаѓа до воспаленија во телото, што потоа доведува до проблеми со зглобовите.
Пушење
Уште една добра причина да престанете да пушите: зглобовите ќе ви бидат исклучително благодарни. Никотинот од цигарите го намалува протокот на крв во коските и кичмените дискови. Исто така, го разградува естрогенот – хормон кој ви е потребен за здравје на коските. Заради сето ова зглобовите се послаби и посклони на кршење.
Носењето високи потпетици има цена
Неспорно е дека високите потпетици ја издолжуваат ногата и се голем сојузик кога е во прашање женската атрактивност, но колку се повисоки толку посилно го туркаат телото кон напред, па бедрените мускули мораат посилно да работат за коленото да го одржат рамно, што со текот на времето предизвикува болка. Ако ги носите секој ден, ги зголемувате шансите за остеоартритис.
Го прескокнувате истегнувањето
Редовното истегнување помага во јакнењето на мускулите и тетивите. Исто така, ќе ги направи пофлексибилни што им овозможува на зглобовите полесно движење и помага мускулите околу нив подобро да работат. Тоа е клуч за здрави и стабилни сврзни ткива околу зглобовите.
Премногу време поминувате пред компјутерот
Тоа предизвикува болки во вратот, грбот и рамената. Проблемот не е само лошото држење, туку тоа што пречесто сте во лоша позиција и предолго. Исто така, прави притисок на дисковите во грбот. Ако седите на премногу меко столче, рацете кренете ги повисоко за да ги растоварите рамената и вратот. На секој час станувајте, прошетајте и истегнете се.
Преголема чанта
Без оглед дали се работи за торбица, ранец или торба за багаж, доколку е претешка ќе предизвика болка во вратот и рамената. Ако секогаш носите торба само на едното рамо, телото константно ќе се повлекува на едната страна, што лошо влијае на мускулите и зглобовите. Ако тоа го правите секој ден, вашето тело болно и гласно ќе ве извести.
Предебели сте
Зглобовите кои ги поврзуваат коските се чувствителни на тешки оптоварувања. Секој килограм вишок значи четири пати поголем товар за колената, а не треба ниту да се споменува колку дополнително се оптоваруваат грбот, колковите, стапалата. Сето тоа влијае на зголемено трошење на зглобовите и оштетувања кои предизвикуваат болка. Прекумерната телесна тежина, исто така, предизвикува воспаление, а зглобовите, и тоа не само на нозете, туку и на рацете, стануваат крути, болни и отечени.
Имате лошо држење на телото
Вашето тело најдобро функционира кога се грижите за него, односно работите за него, а не против него. А држењето во тој случај е мошне важно. Кога ќе залегнете во столче доаѓа до голем стрес за мускулите и зглобовите. Затоа држете го грбот рамно, а рамената повлечете ги наназад и кон долу.
Користите погрешни мускули
Кога премногу ги оптоварувате малите мускули, зглобовите плаќаат висока цена. Ако треба да отворите тешка врата, турнете со рамената место со прстите. Кога нешто кревате од подот, свиткајте се во колената и впрегнете ги силните мускули од нозете. Кога носите нешто, товарот кревајте го поблиску до дланките, а не прстите.
