Цинкот е минерал кој има брпјни придобивки за нашето здравје. Го јакне имунитетот, влијае на растот на косата и ноктите, но и на здравјето на кожата, има важна улога во синтезата на ДНК и зараснувањето на оштетните ткива, а исто така има големо влијание на сетилата за мирис и вкус.
Но, како да препознаете дека на вашето тело му недостасува цинк? Според пишувањата на лекарите на стручниот портал Healthline, постојат неколку симптоми кои укажуваат на недостаток на овој важен минерал.
Тоа се необјаснето губење на телесната тежина, рани кои никако не зараснуваат, недостаток на енергија и хроничен замор, намалено чувство за мирис и вкус, дијареа, губење на апетит и отворени рани на кожата. Секој од овие симптоми е предупредувачки знак бидејќи, покрај недостаток на цинк, може да укаже на многу други сериозни здравствени состојби кои е потребно да се лекуваат. За да се помогне во поставувањето на правилна дијагноза, се мери нивото на цинк во крвта, а лекувањето се состои од земање додатоци на цинк, исклучиво по препорака на лекар.
РИЗИК ФАКТОРИ
Ако сте бремени и имате недостаток на цинк, вашето бебе може да го нема она што му е потребно за правилен развој. Експертите предупредуваат дека недостатокот на цинк е еден од главните проблеми при планирањето на бременоста. Имено, тоа е затоа што недостатокот на цинк може да доведе до импотенција кај мажите.
Лицата со најголем ризик од недостаток на цинк се доенчињата и постарите возрасни лица. И на трудниците им треба повеќе цинк од вообичаено бидејќи цинкот во нивното тело е потребен за правилен развој на детето. Под голем ризик се и луѓето зависни од алкохол, а истражувањата покажуваат дека причината за тоа е што алкохолот во организмот ја отежнува апсорпцијата на цинкот.
