Многу луѓе се чувствуваат себе си, и тоа особено после спиење. Ова посебно се однесува на здивот. Најчессто тоа не е нишго загрижувачко, но може да биде и сигнал за сериозна болест.
“Нови, упорни и вознемирувачки мириси на вашето телото се силни знаци за предупредување дека со вашето здравје нешто не е како што треба“, вели д-р Каролин Дин и додава дека тоа може да биде некоја инфекција која се развила било каде телото.
Од обични воспаленија може да се развијат хронични инфекции, а од овие хронични болести, со некои од нив ќе мора да се носите целиот живот. За да го избегнете ова, важно е да обрнете внимание на мирисите на вашето тело.
Лош здив кој потсетува на слатко
Иако ова воошшто не звучи вознемирувачки, сепак треба да поведете сметка за „благиот„ здив. Тој може да биде знак за дијабетес, а ако ова заболување на време не се открие, може да дојде до дијабетска кетоацидоза.
“Дијабетската кетоацидоза е компликација при шеќерната болест, која е опасна за животот. Во овој случај на акутна компликација, кетоните се произведуваат многу брзо и се апсорбираат во крвта, не дозволувајќи шеќерот да стане извор на енергија во организмот. Тогаш нивото на шеќер во крвта нагло расте и исходот може да биде и смрт“, објаснува д-р Зерина Худ.
Доколку некој ве предупреди дека здивот ви мириса на слатко, а имате генетска предиспозиција да боледувате од дијабетес, веднаш отидете на лекар.
Лош здив
Многу луѓе сметаат дека лошиот здив од устата е само последица на лоша хигиена на усната шуплина или расипани заби. Меѓутоа, можеби се работи за многу посериозна работа.
“Ако вашиот лош здив доаѓа од подлабоко, од грлото, тогаш може да се работи за габично заболување или за бактериска инфекција. Може да станува збор за синусно заболување“, вели д-р Џек Спрингер.
Освен ова, лошиот здив може да укажува и на инфекција на желудникот, која води до појава на чир. Тоа веќе може да биде сериозен проблем.
Засилен мирис на столицата
Ничија столица не мириса убаво, но сепак постои битна разлика помеѓу регуларната миризба на столицата и засилена.
“Столица која се чувствува полошо од вообичаено може да укажува на некое воспаление било каде во дигистивниот тракт“, потенцира д-р Томас Бул и додава дека најлошо заболување кое може да се појави, ако на време не реагирате, е карцином на цревата.
Непријатни гасови
Исто така, постои и јасна разлика помеѓу регуларна миризба на секојдневните гасови и оние за кои би требало да се загрижите, а кои зборуваат дека нешто во вашата утроба не е во ред.
“Лицата кои имаат воспаление на дебелото црево, испуштаат многу понепријатни гасови од оние вообичаените“, вели д-р Дин.
Секоја бактериска инфекција на дебелото црево првенствено се одразува на лошата столица и гасовите, па ако забележите промени, задолжително одете на лекар.
Лош мирис на непцата
Овој непријатен мирис е последица од пародонтит, дентална болест која се јавува како последица на бактериски инфекции.
“Многу луѓе не ги чистат непцата со забен конец, па на тој начин во повредените делови заостанува храна. Тие остатоци скапуваат и уште повеќе ги повредуваат непцата создавајќи т.н. џебови, кои гнојат и се многу непријатни“, потенцира стоматологот Сипора Шеинхаус.
Наслагите на забите исто така може да направат проблем, па би требало да ја плакнете усната шуплина со посебни антибактериски течности кои ќе овозможат храната да не се таложи.
Силен вагинален мирис
Кога имате некое воспаление во телото, може да се случи интимниот дел да мириса на риба или на нешто слатко.
“Инфекцијата на вагиналниот простор може да предизвика вакви непријатни миризби. Покрај ова, може да се појават и чешање, иритација и болки. Доколку ги имате овие симптоми, тогаш сигурно страдате од вагинитис“, вели д-р Худ.
Вагинитисот е бактериска габична или вирусна инфекција која може да го зафати вагиналниот канал, но и грлото на матката. Овие состојби се лекуваат, освен доколку ги запуштите. Сепак, треба да се напомене дека папилома вирусот предизвикува исти симптоми, а може да доведе и до рак на грлото на матката.
