Сето ова за очите претставува многу голем ризик и се фактори кои влијаат во намалување на видот. На очите не мислиме многу се додека не се појави некој посериозен проблем, кој, за жал, на крајот може да биде фатален. Доколку отидете на очен лекар сигурно ќе ви даде одреден диоптер, па затоа заштитете се навреме и не дозволувајте постојано да ви се зголемува диоптерот. Голем фактор е генетиката, нешто што не може да се промени, но постојат некои навики и совети кои треба и може да ги практикувате, како здравата исхрана и доволно внесување витамини и минерали потребни за очите.
Се прашувате што е клучот за витамините кои ви се потребни за здравјето на очите и за заштита на видот. Прв чекор е здравата исхрана, овошје и зеленчук, но не преработени. Зачувајте ги антиоксидантите во вашата храна со тоа што ќе ги јадете веднаш по миењето и сечењето и ќе готвите на многу ниска температура за да избегнете уништување на деликатни фитонутриенти.
За клучни витамини за очите се сметаат витамините А, Б2 и цинкот кои придонесуваат за одржување на видот, додека, пак, витаминот Ц и Е придонесуваат за заштита на клетките од оксидативен стрес. Нив на дневното мени, може да ги вклучите преку специјалните додатоци во исхраната.
ХРАНА ШТО ЈА САКААТ ОЧИТЕ
- Моркови и сок од морков;
- Зелен лиснат зеленчук (репка, кељ, синап, спанаќ);
- Брокула, карфиол, зелка;
- Цитрусни плодови (портокали, грејпфрут, лимон и лимета);
- Слатки компири;
- Грав;
- Јајца (вклучувајќи ја жолчката);
- Папаја, манго, киви, диња;
- Пченка;
- Црвени пиперки;
- Грашок;
- Ореви и семиња (сончоглед, сусам, лешник, бадем, бразилски ореви, итн.);
- Морски плодови.
