Очите, оценува стручната јавност, се дел од телото кои како слика покажуваат одредени почетни симптоми на бројни здравствени состојби. Одредени знаци може да укажуваат дека организмот имат некаков нутритивен недостаток или се бори со замор, но има и такви кои се сериозен аларм за сериозни заболувања.
Овие се симптомте на кои задолжително треба да обрнете внимание:
- Чувство на сувост во очите
Ако вашите очи секогаш се суви и чувствителни на светлина, тоа може да биде знак за хронично пореметување на имуниот систем т.н. Сјорген синдром, кој го нарушува функционирањето на жлездите во очите и во устата. Овој синдром почесто ги погаѓа жените во 40. години со автоимуни болести како ревматоиден артритис и лупус. По 50. години се јавува поради хормонални промени кај жената.
- Проблем со зениците
Зениците инаку се симетрични, со еднква величина и реагираат на ист начин во контакт со сонцето. Во случај, едната зеница да е поголема или помала, тоа може да укажува на медицински проблем. Стручњаците тврдат дека лицата со различни зеници имаат поголем ризик од мозочен удар, тумор на мозок или аневризма.
- Чешање
Очите и подрачјето околу очите се исклучително чувствителни особено на инфекции и алергии. Чешањето на очите најчесто е последица на алергија на прашина, животниски влакна, но и на честичките во воздухот.
Сив прстен
Ако околу ирисот (шареницата) се појави сив прстен, тоа може да укажува на arcus senilis, односно на зголемен холестерол и триглицериди, масни киселини во крвта, кои се поврзуваат со поголем ризик од болести на срцето и мозочен удар.
- Воденести очи
Очите со воденест изглед упатуваат на инфекција, најчесто вирусна, а ако окото делува лепливо, станува збор за бактериска инфекција. Ако при тоа дојде до појава и на заматен вид, тоа може да упатува на синдром на компјутерски вид, односно засилено напрегање поради слаб контраст на боите на компјутерот.
