Светската недела на хомеопатијата се прославува секоја година од 10-ти до 16-ти април. Организиран од „World Homeopathy Awareness Organisation“, седумдневниот настан е прослава на хомеопатите, но и на оние кои биле излегувани со хомеопатија. Датумот на почетокот на Светската недела, 10 април, бил избран во чест на роденденот на д-р Самуел Ханеман, германски лекар, кој се смета за татко на хомеопатијата.
Хомеопатија е систем на алтернативна медицина, кој користи мали, високо разредени дози на природни супстанции за да ги активира сопствените способности на организмот за излекување.
Во текот на Светската недела се одржуваат бесплатни јавни настани насекаде низ светот, како што се предавања, интервјуа, а има и бесплатни и пониски цени во клиниките. Информации и сведоштва за користењето на хомеопатијата, исто така, се споделуваат на социјалните медиуми, како што се Фејсбук и Твитер, како и на останатите медиуми.
Примарни цели на Светската недела на хомеопатијата се да се подигне јавната свест за хомеопатијата и да се подобри пристапноста кон овој систем на алтернативна медицина
„Сличното со слично се лекува“
Хомеопатијата се потпира на принципот дека „сличното со слично се лекува“. Така, на пример, ако пациентот има температура, му се дава средство кое кај здрав човек би предизвикало температура, а кај него ќе ја симне. Од кога е создадена, пред повеќе од два века, хомеопатијата е предмет на оспорување помеѓу лекарите и фармацевтите. Додека едните ја величаат, другите ги доведуваат под знак прашалник нејзините резултати во лекувањето.
Хомеопатијата е признаена од страна на Светската здравствена организација. Во Русија, Хомеопатското друштво има отсек при Академијата на науки, а Русите толку многу веруваат во моќта на хомеопатијата што не постои аптека каде не може да се набават хомеопатски препарати. Британското кралско семејство повеќе од 100 години се лекува со хомеопатија.
Хомеопатскиот лек ги зајакнува одбранбените сили на организмот на пациентот и на тој начин доведува до излекување
10 болести кои ги лекува хомеопатијата
Хомеопатијата лекува повеќе од 200 болести и тегоби. При овие десет е исклучително ефективна.
- Акутен и хроничен синузитис
- Гастритис и чир
- Херпес
- Болка во вратот и рамениот појас
- Акутни фебрилни состојби
- Појачана вагинална секреција
- Хронично и акутно воспаление на уринарниот тракт
- Анксиозни состојби
- Бронхијална астма
- Различни невралгии
