Во последно време, куркумата се вбројува во категоријата на супернамирници, бидејќи се покажала корисна во борбата против рак, ја ублажува депресијата, и помага кај бројни здравствени тегоби. Дознајте што куркумата се може и не може да направи за вашето здравје.
ДЕПРЕСИЈА
Неколку соединенија во куркумата многу ефикасно делуваат на здравјето. Најпознат од нив е куркуминот. Научни истражувања покажале деја куркуминот помага при депресивни состојби и ги олеснува менталните тегоби поефикасно од антидепресиви. Но, резултатите од тие истражувања не се докрај потврдени.
ВИРУСНИ ИНФЕКЦИИ
Куркуминот помага против различни вируси, вклучително и херпес и грип. Иако, во овој случај повеќето истражувања се спроведени на животни, а не на луѓе, се смета дека шолја чај со куркумин може значајно да помогне во време на зачестени инфекции и настинка. Но, треба да се знае дека куркумата содржи само 3% куркумин, а телото куркуминот не го апсорбира најдобро, па шолја чај нема да биде целосно решение.
ПРЕДМЕНСТРУАЛЕН СИНДРОМ
Неодамнешна студија која следела група жени во период од три менструални циклуси по ред, открила дека додатоците со куркумин ги олесниле симптомите на предменструален синдром. Истражување спроведено на глувци покажало дека куркуминот ги ублажува менструалните грчеви.
ВИСОК ХОЛЕСТЕРОЛ
Истражувањата се поделени. Некои студии откриле дека куркумата може да го намали ЛДЛ, т.н. лош холестерол, додека други заклучуваат дека нема никаков ефект. Научниците и натаму проучуваат колку куркуминот влијае на здравјето на срцето. Една мала студија покажала дека куркумата може да помогне во намалување на појавата на срцев удар кај лица кои имаат вградено стент.
АРТРИТИС
Куркумата се покажала како многу моќно средство з олеснување на болкикте во зглобовите, вкочанетост и воспаление. Меѓутоа, потребни се повеќе истражувања пред куркумата да стане лек против артритис. Ако се одлучите да ја пробате куркумата како терапија против болни зглобови, добро е да знаете дека апсорпцијата на природниот куркумин се зголемува во комбинација со црн пипер.
РАК
Во истражувања спроведени на лабораториски животни, куркумата го стопирала растот на туморските клетки. Но, овие студии не откриваат што точно се случува во човечкото тело кога лицето јаде куркума. Освен тоа, постои опасност куркумата да го попречи делувањето на некои хемотераписки лекови.
СИНДРОМ НА ИРИТАБИЛНО ЦРЕВО
Едно истражување, вклучувајќи и пилот студија спроведена на 207 возрасни лица, како и студија направена врз глувци, откриле дека куркумата може да ги олесни симптомите на иритабилно црево, како што е болка во стомакот. Како и во другите случаи, потребни се повеќе истражувања. Исто така, се проучува и можноста за користење на куркумата во лекувањето на Кронова болест и улцерозен колитис.
АКНИ
Некои луѓе тврдат дека ставањето куркума на кожата или консумирањето куркума, помага во борба против тврдокорните акни, поради нејзините силни антибактериски и противвоспалителни својства. За жал, за тоа се уште нема цврсти научни докази.
