Националната медицинска библиотека на американската влада, преку системот за проверка на медицински податоци која прибира медицински трудови и истражувања од целиот свет, уште од почетокот на април не нашла многу научни податови за сојот на коронавирусот Р.1, како еден од многуте варијанти на овој вирус. Сепак, првичните наоди од научен труд од Бразил покажува дека тој сој се однесува нетипично и дека може да се заклучи дека е позаразен од “класичната“ варијанта.
Но, научни наоди се уште нема: вирусот во Бразил навистина се шири со вртоглава брзина и според податоците од пред 5 дена во оваа земја има над 13 милиони заразени лица – на 211 милиони жители. Дали овој сој е толку смртоносен тешко е да се каже: точно е дека бројот на починати е драстично зголемен, на почетокот на јануари дневно бројот на починати изнесувал 1000, а сега таа бројка е зголемена на над 3.000. Но, треба да се земе предвид дека и здравствената заштита речиси е колабирана.
Исто така, само е претпоставка она кое се пренесува во медиумите дека таму веќе 90 проценти новозаболени од тој нов сој: поради состојбите во тамошниот здравствен систем, невозможно е да се проверува генетскиот код кај вирусот кај секој заболен.
- Што се знае за сојот Р.1?
Исто така неспорно е дека тој сој веќе е забележан не само во Мексико или Колумбија, туку дека веќе е стигнат и во Европа, во Белгија и Шведска. Сојот Р.1 е утврден на 10. Јануари во Бразил и на вирусот SARS-CoV-2 веќе создал 17 мутации од кои три се на “бодликавиот“ протеин, по што може да се заклучи дека така полесно продира во клетките на човекот. Проблематична е и мутацијата Е484К која, повторно како што се претпоставува, може да доведе до заболување и на оние лица кои веќе прележале КОВИД-19 и кои создале имунитет.
Тој заклучок е основан на фактот дека сојот Р.1 изразено се шири низ бразилската сојузна држаба Манаус, оти таму голем број жители веќе заболеле од КОВИД-19 уште во првиот бран на пандемијата, Се претпоставува и дека овој сој има сличност со јужноафриканската мутација В.1.351, но се верува дека тие промени се создадени независно.
- Дали текот на болеста е потежок кај овој сој?
Според досегашните искуства од други земји, лекарите се склони да речат – не, не е. Но тешко е да се каже дефинитивен одговор токму поради заразноста и исполнетоста на болниците, така што поголемиот број на смртни случаи, пред се, е резултат на тоа што нема доволно места на одделите за интензивна нега и нема доволно респиратори. Но, научни и проверени статистички податови за опасноста на сојот Р.1, едноставно се уште нема.
- Дали вакцината делува против овој сој?
И за ова нема едноставен одговор. Докажано е дека лицата имунизирани со било која достапна вакцина против КОВИД-19 може да бидат “напданати“ од коронавирусот, но тогаш текот на болеста е многу поблаг. Поради тоа, до одреден степен постоечките вакцини делуваат и против сојот Р.1, но за за тоа се уште интензивно се спроведуваат истражувања.
