Некои навики едноставно не се добри – барем до денес. Значи, од сега може гласно да вдишувате и издишувате, без грижа на совест, или да спиете многу долго – без да ве буди алармот. Зошто? Затоа што тоа е добро за нашето здравје!
Гласно издишување
Гласното издишување е доказ за досада или момент на олеснување, и не остава баш добар впечаток кај другите. Меѓутоа, според неодамнешно истражување, гласните издишувања позитивно делуваат на здравјето на белите дробови. Причина: со длабокото дишење пукаат белодробните меручиња (алвеоли), со што се дуплира волуменот на белите дробови.
Повремено избегнување на тушот
Сигурно ви се случила и вам „мрзелив ден„, кога едноставно ништо не ви се прави, па дури и да отидете под туш. Тоа всушнсот и не е толку лоша идеа. Имено, долгото туширање со жешка вода и разни производи за нега, го уништува природниот слој на масло на кожата кој и обезбедува на кожата влажност и ја штити од бактерии. Дерматолозите препорачуваат дека туширањето треба да трае најмногу 10 минути, и дека не треба да се користи жешка вода, туку млака.
Долго спиење
За „спанковците„ често се вели дека се мрзеливи луѓе. Но, резултати од едно истражување покажале дека луѓето кои рано се будат со помош на будилник, се склони кон прекумерна тежина, за разлика од оние кои оставаат да ги разбуди внатрешниот часовник. Значи, колку почесто навиваме аларм за будење, толку повеќе го пореметувваме внатрешниот часовник. Освен што недоволната количина сон ја забавува размената на супстанци во организмот, почесто се јавуваат и напади на глад.
