Иако бременостите се генерално слични независно од полот на бебето, постојат и некои разлики заради кои, кога носите момченце, ќе ви изгледа како прв пат да сте мајка, тврди оваа мајка на пет деца.
Постојано ќе бидете гладни
Не зборуваме за дополнителни залчиња. Зборуваме за глад кога ви доаѓа да изедете цела плескавица, а после тоа имате чувство како само нешто да сте грицнале. Во еден момент ќе ви се пристори дека јадете повеќе и од својот сопруг и тоа, веројатно, ќе биде вистина.
Ќе бидете поуморни
Во текот на бременоста нормално е да сте уморни. И тоа е најнормална работа. Тоа е вид на умор кога на крајот од денот ќе немате сила ниту да легнете в кревет. Но кога носите син тогаш количеството на умор е уште поголемо. Повеќе пати ми се случуваше сопругот да ме носи в кревет затоа што јас сум заспала гледајќи филм. Заради мојот незаситен апетит и исцрпеноста имав чувство како малечкото момченце во мојот стомак да ми ја собира цела енергија.
Нема да повраќате
За време на секоја бременост со девојчињата повраќав уште од мигот кога наутро ќе ги отворев очите. Но со синот имав поинакво искуство. Имав мачнини, но бев поштедена од „дремење“ во тоалетот и повраќање.
Бебето е многу поактивно
Машките бебиња постојано се движат, без разлика дали е ден или ноќ. Девојчињата се движеа и имаа силни, но повремени движења, додека синчето беше неуморно.
Се разбира, постојат многу работи кои воопшто не се разликуваат. Грбот исто ве боли, и понатаму плачете за најглупавите работи и се ви пречи, но што е најважно секогаш едвај чекате да го видите бебето без разлика на полот.
